2 Mga Hade 24:3 - Marahay na Bareta Biblia

³ Nangyari ini sa pagboot nin Kagurangnan, tanganing mapara sa saiyang panhiling an banwaan nin Juda huli kan gabos na kasalan na ginibo ni Hadeng Manases,

2 Mga Hade 24:3 ပူးပေါင်းရင်းမြစ်များ

Genesis 50:20

Nagplano kamo nin maraot laban sako, alagad pinakarahay ini nin Dios tanganing ikaligtas an buhay nin dakul na tawo, na buhay sagkod ngunyan.

2 Mga Hade 17:18

Huli kaini, an Kagurangnan naanggot nin makuri sa mga Israelita, asin hinale niya sinda sa saiyang panhiling; mayo nin natada kundi an tribu sana ni Juda.

2 Mga Hade 17:20

Isinikwal nin Kagurangnan an gabos na Israelita; pinadusahan niya sinda asin itinao sa kamot kan mga kaiwal sagkod na napara niya sinda sa saiyang panhiling.

2 Mga Hade 17:23

sagkod na pinara sinda nin Kagurangnan sa saiyang panhiling, siring kan saiyang itinaram sa paagi kan gabos niyang propeta na saiyang mga sorogoon. Kaya itinapok an Israel sa Asiria, saen nag-eerok sinda sagkod ngunyan.

2 Mga Hade 18:25

Naghohona siya na nagsasalakay ako tanganing gabaon an saiyang banwaan na mayo nin tabang hale sa Kagurangnan? An Kagurangnan mismo an nagtaram sako na salakayon an Jerusalem asin rumpagon.”

2 Mga Hade 21:16

Laen pa kan ginibo ni Manases na pangengenot sa mga tawo sa pagsamba sa mga dios-dios, na ipinagkasala ninda sa Kagurangnan, kadakul pa siyang ipinagadan na mayo nin kasalan; kaya an mga tinampo sa Jerusalem nagbulos nin dugo.

2 Mga Hade 24:20

An Kagurangnan naanggot sa mga taga Jerusalem saka sa mga taga Juda, kaya isinikwal niya sinda.

2 Mga Cronica 24:24

Sadit sana an hukbo kan mga taga Siria, alagad ipinadaog nin Kagurangnan an dakulang hukbo nin Juda huli ta binayaan kaini an Kagurangnan, an Dios kan saindang mga ginikanan. Sa paaging ini pinadusahan si Joas.

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Isaias 45:7

Linalalang ko an liwanag saka an kadikloman; nagpapadara ako nin bendisyon saka kapahamakan. Ako, an Kagurangnan, an naggigibo kan gabos na iyan.

Jeremias 32:31

Pinaanggot ako nin labi-labi kan mga tawo sa syudad na ini magpoon kan ini itinugdok. Raraoton ko ini

Jeremias 52:28

Iyo ini an bilang kan mga tawong binihag ni Nebukadnezzar: kan ikapitong taon nin saiyang paghahade, binihag niya an tres mil beynte tres na Judio;

Ezekiel 22:3

Isabi mo sa syudad kun ano an itinataram ko, an Kagurangnan Dios: Huli ta dakul an ginadan mo sa sadiri mong banwaan asin dinigtaan mo an saimong sadiri huli sa pagsamba sa mga dios-dios, kaya nagdadangadang na an oras mo.

Ezekiel 24:6

Ini an itinataram nin Kagurangnan Dios, “Herak man sa syudad nin mga paragadan! Arog iyan sa sarong tinataklang kaldero na dai lamang linilinigan. Hinahale diyan an lambang pedaso nin karne asin mayo nin itinatada.

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?

Mikas 2:10

Bangon kamo asin lakaw; mayo na nin kaligtasan digdi para sa saindo. Ipinahamak kan saindong mga kasalan an lugar na ini, kaya raraoton ini.

Deuteronomio 28:63

Kun gurano nagin maogma an Kagurangnan sa pagpauswag asin pagpadakul saindo, siring man an saiyang magigin kaogmahan sa pagraot saka pagtunaw saindo; gagaboton niya kamo duman sa daga na saindong lalaogon dangan sasadirihon.

Deuteronomio 29:28

Sa dakulang kaanggotan nin Kagurangnan ginabot niya sinda sa saindang daga asin itinapok sa sarong dayuhan na daga na pinag-eerokan ninda ngunyan.’

Josue 23:15

Alagad siring na inotob niya an lambang panuga na ginibo niya saindo, gigibohon man niya an mga maraot na bagay na ipinatanid niya saindo.