2 Mga Hade 24:2 - Marahay na Bareta Biblia

² An Kagurangnan nagpadara laban ki Jehoiakim nin mga grupo kan mga taga Babilonia, mga taga Siria, mga taga Moab, asin mga taga Ammon tanganing rumpagon an Juda, siring kan saiyang itinaram sa paagi kan saiyang mga sorogoon na mga propeta.

2 Mga Hade 24:2 ပူးပေါင်းရင်းမြစ်များ

2 Mga Hade 20:17

Maabot an panahon na an gabos na bagay sa saimong palasyo, an gabos na bagay na tinipon kan saimong mga ginikanan sagkod sa aldaw na ini, dadarahon sa Babilonia. Mayo kaiyan nin matatada.

2 Mga Hade 22:16

an mensaheng ini nin Kagurangnan: “An Jerusalem asin an mga nag-eerok digdi papadusahan ko kan gabos na maldisyon na nasusurat sa libro na binasa kan hade.

2 Mga Hade 23:27

Nagtaram an Kagurangnan, “Gigibohon ko sa Juda an ginibo ko sa Israel: Paparaon ko sa sakong panhiling an Juda, saka isisikwal ko an Jerusalem, an syudad na pinili ko, asin an Templo, an sinabi kong lugar na pagsasambahan sako.”

2 Mga Hade 6:23

Kaya nag-andam an hade nin Israel nin dakulang bangkete; nagkakan an mga taga Siria saka nag-inom, dangan nagbalik sinda sa saindang hade. Magpoon kaidto, dai na sinalakay kan mga taga Siria an daga nin Israel.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

An Libro ni Job 1:17

Nagtataram pa an sorogoon kan saro pa an nagdatong asin nagsabi, “Sinalakay kami nin tolong grupo nin mga Caldeo, kinua an mga kamelyo, asin ginadan an gabos mong sorogoon pwera sako. Ako sana an nakadulag tanganing magbareta saimo.”

Isaias 13:5

Harale pa sinda sa harayong mga daga, sa poro kan kinaban. Maabot an Kagurangnan sa pagraot kan bilog na daga sa saiyang kaanggotan.

Isaias 28:19

Titioson nindo iyan aldaw-banggi. An lambang bagong mensaheng hale sa Dios magdadara saindo nin bagong kahandalan!

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Jeremias 12:9

An sakong piniling banwaan garo sarong gamgam na pinalibotan kan nagsasalakay na mga agila. Padigdiha an mga lalaw na hayop; tanganing magsabay sa pagkakan kan bangkay niya!

Jeremias 25:1

Kan ikaapat na taon nin paghahade sa Juda ni Jehoiakim na aking lalaki ni Josias, uminabot sako an sarong mensahe nin Kagurangnan manongod sa gabos na taga Juda. (Ini an enot na taon kan paghahade ni Nebukadnezzar sa Babilonia.)

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 26:20

Igwa kaidto nin saro pang lalaki, si Urias na aking lalaki ni Semaias na taga Kiriat-Jearim, na nagpropesiya laban sa syudad na ini asin sa nasyon, arog kan ginibo ni Jeremias.

Jeremias 26:6

Kun padagos kamong dai magkuyog, gigibohon ko sa Templong ini an ginibo ko sa Shilo, dangan gagamiton kan gabos na nasyon sa kinaban an ngaran kan syudad na ini bilang sarong maldisyon.”

Jeremias 32:28

Itatao ko an syudad na ini ki Hadeng Nebukadnezzar nin Babilonia saka sa saiyang hukbo; sasakopon ninda ini

Jeremias 35:11

Alagad kan sakopon ni Hadeng Nebukadnezzar an dagang ini, nagduman kami sa Jerusalem tanganing makalikay sa mga hukbo kan Babilonia saka Siria. Ini an dahelan kun tadaw ta nag-eerok kami sa Jerusalem.”

Jeremias 52:28

Iyo ini an bilang kan mga tawong binihag ni Nebukadnezzar: kan ikapitong taon nin saiyang paghahade, binihag niya an tres mil beynte tres na Judio;

Mga Panambitan 1:17

“Iginawagaw ko an sakong mga kamot alagad mayo nin minatabang sako. Hale sa manlaen-laen na lugar inapod nin Kagurangnan an sakong mga kaiwal; an paghiling ninda sako sarong maati na bagay.

Ezekiel 19:8

Nagtiripon an mga nasyon laban saiya; nag-abot an mga tawo hale sa manlaen-laen na lugar. Biniklad ninda an saindang mga pandakop na hikot, asin nadakop siya ninda.

Ezekiel 23:23

Dadarahon ko an gabos na taga Babilonia saka Caldea, an mga lalaki kan Pekod, Soa, asin Koa patin an gabos na taga Asiria. Titiriponon ko an gabos na gwapong lalaki saka opisyal, mga halangkaw na opisyal na nangangabayo.

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Habakkuk 1:6

Gigibohon kong magin mapangyari an mga taga Babilonia, an maringis saka dai napapamugtak na banwaan. Naglalakaw sinda sa kahiwasan kan daga tanganing sakopon an ibang nasyon.