2 Mga Hade 24:13 - Marahay na Bareta Biblia

¹³ asin dinara sa Babilonia an gabos na kayamanan sa Templo saka sa palasyo. Siring kan ipinahayag kaidto nin Kagurangnan, pinarasa ni Nebukadnezzar an bulawan na mga kagamitan sa Templo na ipinagibo ni Hadeng Solomon.

2 Mga Hade 24:13 ပူးပေါင်းရင်းမြစ်များ

2 Mga Hade 20:17

Maabot an panahon na an gabos na bagay sa saimong palasyo, an gabos na bagay na tinipon kan saimong mga ginikanan sagkod sa aldaw na ini, dadarahon sa Babilonia. Mayo kaiyan nin matatada.

2 Mga Cronica 36:7

Dinara man ni Nebukadnezzar an ibang mga kagamitan sa Templo dangan ibinugtak sa saiyang palasyo duman sa Babilon.

Isaias 39:6

Maabot an panahon na an gabos na bagay sa saimong palasyo, an gabos na bagay na tinipon kan saimong mga ginikanan sagkod sa aldaw na ini, dadarahon sa Babilonia. Mayo kaiyan nin matatada.

Jeremias 17:3

saka sa kabukidan sa kahiwasan. Papabayaan kong makua kan saindong mga kaiwal an kayamanan saka mga rogaring nindo huli kan gabos nindong kasalan na saindong ginibo sa bilog nindong daga.

Jeremias 20:5

Papabayaan kong masamsam kan mga kaiwal ninda an gabos na kayamanan kan syudad na ini asin masadiri an gabos na rogaring ninda, maski na an mga kayamanan kan mga hade nin Juda. An gabos na bagay dadarahon ninda sa Babilonia.

Jeremias 28:6

“Amen! Gibohon logod iyan nin Kagurangnan; magkatotoo logod an propesiya mo asin ikabalik sa lugar na ini hale sa Babilonia an gabos na kayamanan kan templo asin an gabos na tawong dinara duman bilang mga bihag.

Ezekiel 23:26

Gigision ninda an saimong mga gubing asin kukuahon an saimong mga alahas.

Ezekiel 7:21

“Tutugotan ko an mga dayuhan na habonan sinda,” an sabi nin Kagurangnan. “Ipapakua ko an mga iyan sa mga maraot na tawo sa daga asin babasang-basangon ninda iyan.