2 Mga Hade 24:1 - Marahay na Bareta Biblia

¹ Kan panahon kan paghahade ni Jehoiakim, sinalakay ni Hadeng Nebukadnezzar nin Babilonia an Juda. Tolong taon na nagin sakop ni Nebukadnezzar si Jehoiakim, dangan nagrebelde siya.

2 Mga Hade 24:1 ပူးပေါင်းရင်းမြစ်များ

2 Mga Hade 17:5

Dangan sinalakay ni Salmaneser an Israel asin nakaabot siya sa Samaria, na pinalibotan niya sa laog nin tolong taon.

2 Mga Hade 24:20

An Kagurangnan naanggot sa mga taga Jerusalem saka sa mga taga Juda, kaya isinikwal niya sinda.

2 Mga Cronica 36:1

Pinili kan banwaan nin Juda si Joahaz, na aking lalaki ni Josias, asin ginibong hade nin Jerusalem bilang kasalihid kan saiyang ama.

Esdras 4:12

“Boot ming maaraman kan saimong kamahalan na an mga Judio na nag-abot digdi hale sa ibang lugar na sakop mo nag-erok na ngunyan sa Jerusalem. Hinihirahay ninda idtong maraot saka rebeldeng syudad. Pinonan na ninda an paghirahay kan kudal asin matatapos na ninda.

Isaias 36:5

Naghohona siya na an mga tataramon makakasalihid sa kakayahan asin kapangyarihan nin hukbo? Siisay an sinasarigan niya kaya nagrerebelde siya sa emperador nin Asiria?

Jeremias 25:1

Kan ikaapat na taon nin paghahade sa Juda ni Jehoiakim na aking lalaki ni Josias, uminabot sako an sarong mensahe nin Kagurangnan manongod sa gabos na taga Juda. (Ini an enot na taon kan paghahade ni Nebukadnezzar sa Babilonia.)

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 35:1

Kan si Jehoiakim na aking lalaki ni Josias iyo an hade sa Juda, nagtaram sako an Kagurangnan,

Jeremias 35:11

Alagad kan sakopon ni Hadeng Nebukadnezzar an dagang ini, nagduman kami sa Jerusalem tanganing makalikay sa mga hukbo kan Babilonia saka Siria. Ini an dahelan kun tadaw ta nag-eerok kami sa Jerusalem.”

Jeremias 36:1

Kan ikaapat na taon kan paghahade sa Juda ni Jehoiakim, na aking lalaki ni Josias, nagtaram sako an Kagurangnan,

Jeremias 45:1

Kan ikaapat na taon kan paghahade sa Juda ni Jehoiakim, na aking lalaki ni Josias, isinurat ni Baruc an mga sinabi ko saiya. Dangan sinabihan ko siya

Jeremias 46:2

An enot iyo an manongod sa Egipto, sa hukbo ni Neco na hade nin Egipto, na dinaog ni Hadeng Nebukadnezzar nin Babilonia sa Carkemis na harani sa Salog nin Eufrates kan ikaapat na taon kan paghahade ni Jehoiakim sa Juda:

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Ezekiel 19:8

Nagtiripon an mga nasyon laban saiya; nag-abot an mga tawo hale sa manlaen-laen na lugar. Biniklad ninda an saindang mga pandakop na hikot, asin nadakop siya ninda.

Ezekiel 21:14

“Kaya, aki nin tawo, magpropesiya ka. Mag-upak ka asin an espada dai maontok sa paggadan. Espada iyan na nanggagadan, sarong espada na nananakot asin nanggagadan.

Daniel 1:1

Sa ikatolong taon kan paghahade ni Jehoiakim sa Juda, sinalakay ni Hadeng Nebukadnezzar nin Babilonia an Jerusalem asin pinalibotan an syudad.

Daniel 1:2

Itinugot nin Kagurangnan na mabihag si Hadeng Jehoiakim ni Hadeng Nebukadnezzar asin samsamon kaini an nagkapirang kagamitan kan Templo. An nagkapirang bihag dinara niya sa templo kan saiyang mga dios sa Babilon, asin an mga nasamsam na kagamitan ibinugtak niya sa mga sarayan kan templo.

Habakkuk 1:6

Gigibohon kong magin mapangyari an mga taga Babilonia, an maringis saka dai napapamugtak na banwaan. Naglalakaw sinda sa kahiwasan kan daga tanganing sakopon an ibang nasyon.