2 Mga Hade 23:8 - Marahay na Bareta Biblia

⁸ Dinara niya sa Jerusalem an gabos na padi hale sa mga syudad nin Juda, dangan ipinagaba an mga altar na pinagdodolotan ninda nin sakripisyo, magpoon sa Geba sagkod sa Beer-sheba. Ipinagaba man niya an mga altar kan mga trangkahan sa may sa trangkahan na ipinatugdok ni Josue, an gobernador kan syudad, sa parteng wala kan pangenot na trangkahan kan syudad.

2 Mga Hade 23:8 ပူးပေါင်းရင်းမြစ်များ

Genesis 21:14

Kaya amay pa kan sunod na aldaw, tinawan si Hagar ni Abraham nin pagkakan asin nin sarong laogan na anit na pano nin tubig. Dangan ibinugtak ni Abraham an aki sa likod kan ina asin pinahale na ini. Naghale si Hagar asin nagparalakaw sa kalangtadan nin Beer-sheba.

Genesis 21:31

Kaya an lugar inapod na Beer-sheba, huli ta duman ninda ginibo an kontrata.

Genesis 26:23

Hale duman nagpasiring si Isaac sa Beer-sheba.

1 Mga Hade 15:22

Dangan nagboot si Hadeng Asa sa gabos na taga Juda na kuahon an mga gapo saka mga kahoy na ginamit ni Baasa sa pagpapusog kan Rama asin ginamit niya idto sa pagpapusog kan Geba asin kan Mizpa sa teritoryo nin Benjamin.

1 Mga Hade 19:3

Natakot si Elias, kaya ipinag-iba niya an saiyang sorogoon asin nagdulag siya pasiring sa Beer-sheba sa Juda. Iwinalat duman ni Elias an saiyang sorogoon,

1 Mga Cronica 6:60

Sa teritoryo nin Benjamin, itinao sainda an Geba, Alemet, asin Anatot, kaiba an mga dagang pasabsaban sa palibot kan mga ini. An bilang kan mga banwa na erokan kan saindang mga pamilya uminabot sa trese.

Isaias 10:29

Nakalampas na sinda sa hayakpit na dalan asin sa Geba sinda nagpapalihis nin banggi! Nagkakatarakot an mga tawo sa banwaan nin Rama; nagdurulag na an mga tawo sa banwaan ni Hadeng Saul na iyo an Gibea.

Ezekiel 44:10

Nagtaram sako an Kagurangnan, “Papadusahan ko an mga Levita huli ta nagtalikod sinda sako asin nagsamba sa mga dios-dios, arog kan ibang mga Israelita.

Amos 5:5

Dai kamo magduman sa Beer-sheba sa pagsamba. Dai nindo ako paghanapon sa Betel, huli ta an Betel mawawaraan nin halaga. Dai kamo magduman sa Gilgal huli ta itatapok an saiyang mga namamanwaan.”

Zacarias 14:10

An bilog na daga, magpoon sa Geba sa amihan sagkod sa Rimmon sa habagat, magigin sarong kapatagan. Alagad magdadanay na halangkaw an Jerusalem ki sa ibang daga sa palibot kaini; an syudad minapoon sa Trangkahan ni Benjamin sagkod sa Trangkahan sa Kanto, sa namumugtakan kaidto kan enot na trangkahan, asin minapoon sa Tore ni Hananel sagkod sa mga pugaan nin ubas kan hade.

Josue 18:24

Kefar-ammoni, Ofni, asin Geba: doseng syudad gabos, kaiba an mga banwa sa palibot kan mga iyan.

Josue 21:17

Tinarawan sinda nin apat na syudad hale sa daga ni Benjamin: an Gibeon, Geba,

Hukom 20:1

Nagtiripon sa Mizpa sa atubang nin Kagurangnan an gabos na Israelita magpoon sa Dan sagkod sa Beer-sheba, sagkod kan mga taga Gilead.