2 Mga Hade 23:7 - Marahay na Bareta Biblia

⁷ Sa laog kan Templo, ipinagaba niya an mga erokan kan maraot na mga lalaki saka mga babae sa templo. (Digdi naghabol an mga babae nin mga gubing na ginamit sa pagsamba ki Asera.)

2 Mga Hade 23:7 ပူးပေါင်းရင်းမြစ်များ

1 Mga Hade 14:24

Igwa man nin mga lalaking naggigibo nin karigsokan sa mga altar na pagsasambahan. Ginibo kan banwaan nin Juda an gabos na makasosopog na bagay na gibo kan mga tawong inalaw nin Kagurangnan kan an mga Israelita nagdangadang sa daga.

1 Mga Hade 15:12

Pinalayas niya sa daga an mga lalaki saka mga babaeng naggigibo nin karigsokan sa mga altar, asin hinale niya an gabos na mga ladawan na ginibo kan mga hadeng naenot saiya.

1 Mga Hade 22:46

Hinale niya an gabos na marigsok na lalaki saka babae na nagkatarada sa panahon kan saiyang ama na si Asa.

2 Mga Cronica 34:33

Sa gabos na lugar na sadiri kan banwaan nin Israel, rinaot ni Josias an makauuyam na mga ladawan kan mga dios-dios, dangan sa gabos na aldaw nin saiyang pagkabuhay, pinagbotan niya an mga tawo na maglingkod sa Kagurangnan, an Dios nin saindang mga ginikanan.

Ezekiel 16:16

Ginamit mo an iba mong gubing tanganing samnohan an saimong mga lugar na pagsasambahan, asin arog sa sarong maraot na babae, itinao mo an hawak mo sa kiisay man.

Ezekiel 8:14

Kaya dinara niya ako sa trangkahan sa amihan kan Templo asin ipinahiling sako an mga babaeng pinaghihibian an kagadanan kan dios na si Tammuz.

Oseas 2:13

Papadusahan ko siya huli kan mga panahon na liningawan niya ako, kan magsulo siya nin insenso ki Baal asin kan isulot niya an saiyang mga alahas tanganing lamagon an mga namomoot saiya. An Kagurangnan an nagtaram.

Oseas 4:13

Nagdodolot sinda nin mga sakripisyo sa sagradong mga lugar sa ibabaw nin kabukidan, asin nagsusulo sinda nin insenso sa lindong nin mga haralangkaw saka marambong na mga kahoy sa kabubuldan, huli ta marahay an lindong duman! “Huli kaini, naglilingkod bilang mga maraot na babae an saindong mga aking babae, asin nagpapasambay an saindong mga manugang na babae.

Oseas 4:14

Alagad dai ko sinda papadusahan huli sa siring na bagay, huli ta kamo mismo nakikidorog man sa mga maraot na babae sa templo, asin sa kaibahan ninda, nagdodolot kamo nin mga paganong sakripisyo. Siring sa kasabihan, ‘An banwaan na mayong pakasabot mararaot.’

Mga Bilang 25:1

Kan magkampo sa Sittim an mga Israelita, nagpoon na makidorog an mga lalaki sa mga babaeng Moabita na yaon duman.

Deuteronomio 23:17

“Mayo nin Israelita, lalaki man o babae, na maggibo nin karigsokan sa Templo bilang bayadan na maraot na lalaki o babae.