2 Mga Hade 23:4 - Marahay na Bareta Biblia

⁴ Dangan pinagbotan kan hade si Hilkias, an halangkaw na padi, an katabang kaining mga padi, asin an mga bantay sa agihan pasiring sa Templo na iluwas sa Templo an mga kagamitan na manongod ki Baal, ki Asera, saka sa mga bitoon. Ipinasulo kan hade an gabos na kagamitan sa luwas kan Jerusalem, sa Kapantayan nin Kidron, asin ipinadara niya sa Betel an mga abo.

2 Mga Hade 23:4 ပူးပေါင်းရင်းမြစ်များ

2 Samuel 15:23

Naghibi nin makosog an mga tawo kan maghale an mga parasunod ni David. Binalyo kan hade an sapa nin Kidron, kasunod kan saiyang mga tawohan dangan iriba sindang nagpasiring sa kalangtadan.

1 Mga Hade 12:29

An saro sa mga bulawan na baka ibinugtak niya sa Betel asin an saro sa Dan.

1 Mga Hade 15:13

Hinale man niya an lola niyang si Maaca bilang inang-reyna huli ta naggibo ini nin makauuyam na ladawan kan diosang si Asera. Pinalod niya an ladawan asin sinulo sa Kapantayan nin Kidron.

1 Mga Hade 16:31

Bako sanang nagkasala si Ahab arog ki Jeroboam, kundi inagom pa niya si Jezebel na aking babae ni Hadeng Etbaal nin Sidon dangan nagsamba siya ki Baal.

1 Mga Hade 18:19

Ngunyan pagbotan mo an bilog na Israel na tagboon ako sa Bukid nin Carmelo. Padumanon mo man an kwatro syentos singkwentang propeta ni Baal, saka an kwatro syentos na propeta kan diosang si Asera na pinapakakan ni Jezebel.”

1 Mga Hade 18:26

Kinua ninda an saro kan mga torong baka na dinara sainda, inandam idto, dangan namibi ki Baal magpoon aga sagkod odto. “Baal, simbaga kami,” an kurahaw ninda, mantang nagsasayaw sa palibot kan altar na ginibo ninda. Alagad mayo nin simbag na nag-abot.

1 Mga Hade 18:40

Nagboot si Elias, “Dakopa nindo an mga propeta ni Baal; hare nindo pagpadulaga maski saro sainda.” Dinakop sinda kan mga tawo asin dinara sinda ni Elias sa Sapa nin Kison dangan ginadan niya sinda duman.

1 Mga Hade 19:18

Alagad matada ako nin pitong ribo katawo sa Israel—an mga dai nagluhod ki Baal saka dai naghadok saiya.”

2 Mga Hade 10:26

ilinuwas an banal na harigi na yaon duman, asin sinulo.

2 Mga Hade 12:10

Kun nahihiling ninda na dakul na an kwarta sa kahon, minaduman an sekretaryo kan hade asin an halangkaw na padi dangan binibilang ninda an kwarta saka ilinalaog sa mga supot.

2 Mga Hade 17:16

Linapas ninda an gabos na togon kan Kagurangnan na saindang Dios asin naggibo sinda nin duwang metal na baka; naggibo pa sinda nin ladawan kan diosang si Asera, nagsamba sa mga bitoon asin naglingkod ki Baal.

2 Mga Hade 21:3

Ipinatugdok niya giraray an paganong mga lugar na pagsasambahan na ginaba kan saiyang ama na si Ezekias. Nagtugdok siya nin mga altar para ki Baal asin naggibo nin mga imahen kan diosang si Asera, arog kan ginibo ni Ahab na hade nin Israel. Nagsamba saka naglingkod siya sa mga bitoon.

2 Mga Hade 21:5

Sa duwang patyo kan Templo, nagpagibo siya nin mga altar para sa pagsamba kan mga bitoon.

2 Mga Hade 21:7

An imahen kan diosang si Asera na saiyang ginibo, ibinugtak niya sa laog kan Templo, sa lugar na iyo an sinabi nin Kagurangnan kan siya magtaram ki David asin ki Solomon na aki kaini: “Digdi sa Templong ini, asin sa Jerusalem, na pinili ko hale sa gabos na tribu nin Israel, ibubugtak ko an sakong ngaran sagkod pa man.

2 Mga Hade 22:4

“Dumuman ka ki Hilkias na halangkaw na padi asin aramon mo an halaga kan kwarta na kinolekta sa mga tawo kan mga pading bantay sa agihan pasiring sa Templo.

2 Mga Hade 23:12

Ipinagaba niya an mga altar na ginibo kan mga hade nin Juda sa atop kan erokan ni Ahaz, sagkod an mga altar na ibinugtak ni Hadeng Manases sa duwang patyo kan Templo; ipinaronot niya an mga altar dangan ipinatapok sa Kapantayan nin Kidron.

2 Mga Hade 23:15

Ipinagaba man niya an lugar na pagsasambahan sa Betel na ginibo ni Hadeng Jeroboam na aking lalaki ni Nebat, na nagpakasala sa Israel. Ipinarumpag niya an altar, ipinapedaso an mga gapo kaini saka ipinabayo nin pino; ipinasulo man niya an ladawan ni Asera.

2 Mga Hade 25:18

Laen pa kaini, binihag ni Nebuzaradan, na pamayong opisyal kan hukbo kan hade, si Seraias na Halangkaw na Padi, si Zofonias na ikaduwang padi, asin an tolong bantay sa Templo.

2 Mga Cronica 15:16

Maski si Maaca na saiyang lola hinale ni Asa bilang inang-reyna, huli ta naggibo ini nin sarong makauuyam na imahen ni Asera. Pinutol ni Asa an imahen, rinonot, dangan sinulo sa may Sapa nin Kidron.

2 Mga Cronica 33:3

Ipinatugdok niya giraray an paganong mga lugar na pagsasambahan na ginaba kan saiyang ama na si Ezekias. Nagtugdok siya nin mga altar para ki Baal asin naggibo nin mga ladawan kan diosang si Asera; nagsamba saka naglingkod siya sa mga bitoon.

2 Mga Cronica 33:7

An imahen kan dios-dios na saiyang ginibo, ibinugtak ninda sa laog kan Templo, sa lugar na iyo an sinabi nin Dios kan siya magtaram ki David asin ki Solomon na aki kaini: “Digdi sa Templong ini, asin sa Jerusalem na pinili ko hale sa gabos na tribu nin Israel, ibubugtak ko an sakong ngaran sagkod pa man.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Jeremias 52:24

Laen pa kaini, binihag ni Nebuzaradan na pamayong opisyal kan hukbo kan hade, si Seraias na halangkaw na padi, si Sofonias na ikaduwang padi, asin an tolong bantay sa Templo.

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Ezekiel 8:6

Sinabihan ako nin Dios, “Aki nin tawo, nahihiling mo an ginigibo ninda, an makauuyam na mga bagay na ginigibo digdi kan mga Israelita, kun paano ninda ako orog na pinapaharayo sa sakong santwaryo? Alagad makakahiling ka pa nin orog pang makauuyam na mga bagay.”

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Amos 4:4

An Kagurangnan Dios nagtataram, “Mga taga Israel, dumuman kamo sa banal na lugar sa Betel asin magkasala kamo! Dumuman kamo sa Gilgal asin orog pa kamong magkasala! Daraha nindo an mga hayop na isasakripisyo aga-aga, asin an saindong himoloan sa lambang ikatolong aldaw.

Sofonias 1:4

“Papadusahan ko an mga namamanwaan sa Jerusalem asin sa Juda. Raraoton ko an natatadang tanda kan pagsamba ki Baal duman, asin mayo nang makakagiromdom kan mga paganong padi na naglilingkod saiya.

Mateo 26:3

Nagtiripon an mga poon na padi asin kamagurangan kan mga Judiyo sa patyo kan palasyo ni Caifas, an Halangkaw na Padi,

Mateo 27:1

Pagkaaga, pinagkaoroyonan kan gabos na poon na mga padi asin mga kamagurangan na ipagadan si Jesus.

Juan 18:1

Pakapamibi kaini ni Jesus, naghale siya kaiba an saiyang mga disipulo asin nag-ibong sa sapa nin Cedron. Igwa nin tatamnan sa Cedron na dinumanan ni Jesus saka kan saiyang mga disipulo.

Hukom 2:13

Nag-ontok sinda sa pagsamba sa Kagurangnan asin naglingkod sa mga Baal sagkod sa mga Astarte.