2 Mga Hade 23:30 - Marahay na Bareta Biblia

³⁰ An saiyang bangkay ibinugtak kan saiyang mga sorogoon sa sarong karwahe dangan dinara sa Jerusalem. Ilinubong ninda siya sa sadiri niyang lulubngan. Pinili kan banwaan nin Juda si Joahaz, na aking lalaki ni Josias, asin linahidan nin lana, saka ginibong hade bilang kasalihid kan saiyang ama.

2 Mga Hade 23:30 ပူးပေါင်းရင်းမြစ်များ

2 Mga Hade 14:21

Pakatapos, pinili kan bilog na banwaan nin Juda an aking lalaki ni Amazias na si Uzzias, na an edad dyes y seis na taon, na magin kasalihid kan saiyang ama bilang hade.

2 Mga Hade 21:24

Alagad ginadan kan mga taga Juda an mga nagpasaluib ki Hadeng Amon, asin si Josias na saiyang aking lalaki iyo an ginibo nindang hade bilang kasalihid niya.

2 Mga Hade 22:20

kaya an padusa na ipapadara ko sa Jerusalem dai mangyayari mantang buhay ka pa. Tutugotan takang magadan sa katoninongan.” Dangan nagbalik an mga sugo ki Hadeng Josias dara an mensaheng ini.

2 Mga Hade 9:28

An saiyang bangkay ilinunad kan saiyang mga opisyal sa sarong karwahe asin dinara sa Jerusalem dangan ilinubong sa syudad ni David, sa lulubngan nin mga hade.

2 Mga Cronica 35:20

Pakatapos na magibo ni Josias an gabos na ini para sa Templo, pinangenotan ni Neco na hade nin Egipto an sarong hukbo tanganing makilaban duman sa Carkemis sa Salog nin Eufrates; inatubang siya ni Hadeng Josias.

2 Mga Cronica 35:24

Kaya hinale siya ninda sa karwahe dangan ibinugtak sa saro pa niyang karwahe saka dinara sa Jerusalem. Duman siya nagadan asin ilinubong sa lulubngan kan mga hade. An saiyang pagkagadan pinagmondoan kan bilog na Juda saka Jerusalem.

Jeremias 22:10

Banwaan nin Juda, dai nindo pagtangisan si Hadeng Josias; dai nindo ipagmondo an saiyang pagkagadan. Alagad pagtangisan nindo nin mapait si Joahaz, na saiyang aking lalaki; dinara ninda siya sa harayo, dai na nanggad siya makakabalik, asin dai na nanggad niya mahihiling an daga na saiyang namundagan.

Jeremias 22:11

An Kagurangnan nagsasabi manongod ki Joahaz na aking lalaki ni Josias, na nagsalihid sa saiyang ama bilang hade nin Juda, “Naghale siya sa lugar na ini asin dai na siya mabalik.

Ezekiel 19:1

Tinaraman ako nin Kagurangnan na awiton an panambitan na ini para sa duwang prinsipe nin Israel: