2 Mga Hade 23:29 - Marahay na Bareta Biblia

²⁹ Kan panahon niya, pinangenotan ni Neco, na hade nin Egipto, an sarong hukbo pasiring sa Salog nin Eufrates tanganing tabangan an emperador nin Asiria. Hiningowa ni Hadeng Josias na paontokon an hukbo nin Egipto duman sa Megido, alagad nagadan siya sa gera.

2 Mga Hade 23:29 ပူးပေါင်းရင်းမြစ်များ

1 Mga Hade 4:12

Baana, na aking lalaki ni Ahilud: an mga syudad nin Taanac, Megido, asin an bilog na rehiyon harani sa Bet-sean, na harani sa banwa nin Zaretan, sa parteng habagat kan banwa nin Jezreel, sagkod sa syudad nin Abel-mehola asin sa syudad nin Jokmeam

2 Mga Hade 14:11

Alagad habong magdangog si Amazias. Kaya nagluwas si Hadeng Jehoas asin inatubang si Hadeng Amazias duman sa Bet-semes sa Juda.

2 Mga Hade 14:8

Nagpadara si Amazias nin mga sugo sa hade nin Israel na si Jehoas na aking lalaki ni Jehoahaz asin makoapo ni Jehu, dangan ipinasabi, “Madya, asin maghampangan kita sa gera.”

2 Mga Hade 22:20

kaya an padusa na ipapadara ko sa Jerusalem dai mangyayari mantang buhay ka pa. Tutugotan takang magadan sa katoninongan.” Dangan nagbalik an mga sugo ki Hadeng Josias dara an mensaheng ini.

2 Mga Hade 23:28

An iba pang ginibo ni Hadeng Josias gabos nasusurat sa An Kasaysayan kan mga Hade nin Juda.

2 Mga Hade 24:7

An hade nin Egipto dai na nanggad naghale sa daga nin Egipto, huli ta sakop na ngunyan kan hade nin Babilonia an gabos na teritoryo na sadiri kan Egipto, magpoon sa Salog nin Eufrates sagkod sa amihan na pagdolonan nin Egipto.

2 Mga Hade 9:27

Kan mahiling ini ni Hadeng Ahazias, duminulag siya pasiring sa Bet-hagan, alagad linamag siya ni Jehu. “Panaa man nindo siya!” an pagboot ni Jehu sa saiyang mga tawohan; asin pinana ninda siya sa laog kan saiyang karwahe duman sa tukadon nin Gur, harani sa banwa nin Ibleam. Alagad nakadulag si Ahazias pasiring sa Megiddo asin duman siya nagadan.

Parahulit 8:14

Alagad iyan masakit na saboton. Kun minsan igwa nin mga matanos na iyo an nag-aako kan padusa kan mga tampalasan; kun minsan an mga tampalasan iyo an nag-aako kan premyo kan mga matanos. Minasabi ako na ini mayo man nin halaga.

Jeremias 22:10

Banwaan nin Juda, dai nindo pagtangisan si Hadeng Josias; dai nindo ipagmondo an saiyang pagkagadan. Alagad pagtangisan nindo nin mapait si Joahaz, na saiyang aking lalaki; dinara ninda siya sa harayo, dai na nanggad siya makakabalik, asin dai na nanggad niya mahihiling an daga na saiyang namundagan.

Jeremias 22:11

An Kagurangnan nagsasabi manongod ki Joahaz na aking lalaki ni Josias, na nagsalihid sa saiyang ama bilang hade nin Juda, “Naghale siya sa lugar na ini asin dai na siya mabalik.

Jeremias 22:12

Magagadan siya sa daga na dinarahan ninda saiya, asin dai na niya mahihiling giraray an dagang ini.”

Jeremias 46:2

An enot iyo an manongod sa Egipto, sa hukbo ni Neco na hade nin Egipto, na dinaog ni Hadeng Nebukadnezzar nin Babilonia sa Carkemis na harani sa Salog nin Eufrates kan ikaapat na taon kan paghahade ni Jehoiakim sa Juda:

Jeremias 46:6

Alagad dai nakakaharayo an mga marikas magdalagan; dai nakakadulag an mga soldados. Natumba sinda saka nagadan sa may Salog nin Eufrates, sa parteng amihan.

Ezekiel 19:1

Tinaraman ako nin Kagurangnan na awiton an panambitan na ini para sa duwang prinsipe nin Israel:

Zacarias 12:11

Sa panahon na iyan, an pagtangis sa Jerusalem makakaarog sa pagtangis para ki Hadad-rimmon sa kapantayan nin Megiddo.

Roma 11:33

O an kararoman kan mga kayamanan nin kadonongan asin kaaraman nin Dios! Dai matugkad an saiyang mga kaisipan asin dai masabotan an saiyang mga palakaw!

Josue 17:11

Sa laog kan daga ni Issakar asin ni Asher, nasadirihan ni Manases an mga syudad kan Bet-sean asin Ibleam, kaiba an mga banwa sa palibot kan mga iyan, siring man an Dor (an nasa baybayon), Endor, Taanac, Megido, asin an mga banwa sa palibot kan mga iyan.

Kapahayagan 16:16

An mga hade tinipon kan mga espiritu duman sa lugar na inaapod Armagedon sa tataramon na Hebreyo.

Hukom 1:27

Dai pinahale kan tribu ni Manases an mga tawong nag-eerok sa mga syudad nin Bet-sean, Taanac, Dor, Ibleam, Megido asin sa mga kataraed na banwa; padagos na nag-erok an mga Cananeo sa mga lugar na ini.

Hukom 5:19

Sa Taanac, sa may sapa nin Megido, nagdatong an mga hade asin nakilaban; nakilaban man an mga hade nin Canaan, alagad mayo sindang plata na nasamsam.