2 Mga Hade 23:25 - Marahay na Bareta Biblia

²⁵ Mayo pa nin hade kaidto na arog saiya, na naglingkod sa Kagurangnan sa bilog niyang puso, kalag asin kosog, na nagkuyog kan Katogonan ni Moises. Mayo na man nin nagsunod na hade na arog saiya.

2 Mga Hade 23:25 ပူးပေါင်းရင်းမြစ်များ

1 Mga Hade 15:5

Ginibo ini nin Kagurangnan huli ta ginibo ni David an nakawili saiya asin dai nanggad si David naglapas kan arin man kan mga kabotan niya, pwera kan manongod sa kaso ni Urias na Heteo.

1 Mga Hade 2:4

Kun kukuyogon mo siya, ootobon nin Kagurangnan an panugang ginibo niya sako: ‘Kun magigin maimbod sako an saimong kapagarakian dangan kun ootobon ninda an sakong mga pagboot sa bilog nindang puso asin kalag, dai ka mahahalean nin kasalihid sa trono nin Israel.’

1 Mga Hade 8:48

Kun magsolsol sinda sa bilog na puso asin isip duman sa daga kan saindang mga kaiwal na nagbihag sainda, asin mamibi saimo mantang nakaatubang sa dagang ini na itinao mo sa saindang mga ginikanan, sa syudad na ini na saimong pinili, asin sa Templong ini na itinugdok ko para saimo,

2 Mga Hade 18:5

Si Ezekias nanarig sa Kagurangnan, an Dios nin Israel; sa gabos na hade sa Juda mayo nin makakaarog saiya, maski an mga nagkaerenot o an mga nagsurunod saiya.

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Nehemias 10:30

Dai kami makikipag-agoman sa mga dayuhan na nag-eerok sa samong daga.

Jeremias 22:15

Naghohona ka daw na saro ka nang hade huli ta nakapatugdok ka nin harong na sedro, na mas magayon ki sa ginibo nin iba? Nakamit kan saimong ama an marahay na buhay. Nagdanay siyang matanos asin onesto, kaya nag-uswag siya sa gabos niyang gibo.

Jeremias 29:13

Mahanap kamo sako asin makukua nindo ako, huli ta bilog na puso nindo akong hahanapon.

Malakias 4:4

“Giromdoma nindo an katukdoan kan sakong sorogoon na si Moises, an mga togon saka mga pagboot na itinao ko saiya sa Bukid nin Sinai na dapat kuyogon kan gabos na tawo sa Israel.

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Juan 7:19

Bakong itinao saindo ni Moises an Katogonan? Alagad mayo saindo nin minakuyog kaiyan. Tadaw ta boot nindo akong gadanon?”

Deuteronomio 4:29

Hihidawon nindo duman an Kagurangnan na saindong Dios, asin kun hahanapon nindo siya sa bilog nindong puso, makukua nindo siya.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.