2 Mga Hade 23:19 - Marahay na Bareta Biblia

¹⁹ Sa lambang syudad nin Israel ipinagaba ni Hadeng Josias an gabos na paganong mga lugar na pagsasambahan na ipinatugdok kan mga hade nin Israel na nagpaanggot sa Kagurangnan. Ginibo niya sa mga altar na idto an ginibo niya sa Betel.

2 Mga Hade 23:19 ပူးပေါင်းရင်းမြစ်များ

1 Mga Hade 12:31

Si Jeroboam naggibo man nin mga lugar na pagsasambahan sa kabubuldan, asin nagpili siya nin mga pading gikan sa mga pamilya na bakong kaayon sa tribu ni Levi.

1 Mga Hade 13:32

Mapapatotoohan an mga tataramon na, sa pagboot nin Kagurangnan, sinabi niya laban sa altar sa Betel asin laban sa gabos na altar na pagsasambahan sa mga banwa nin Samaria.”

1 Mga Hade 16:33

Nagpatindog man siya nin ladawan kan diosang si Asera. Mas dakul an ginibo niyang nakapaanggot sa Kagurangnan, an Dios nin Israel, ki sa mga ginibo kan mga naenot saiyang hade sa Israel.

2 Mga Hade 17:9

Hilom na ginibo kan mga Israelita an mga bagay na bakong matanos. Nagtugdok sinda nin paganong mga lugar na pagsasambahan sa gabos nindang banwa, magpoon sa pinakasadit na baryo sagkod sa pinakadakulang syudad.

2 Mga Hade 21:6

Isinakripisyo niya an saiyang aking lalaki bilang tinutong na atang. Naghula siya asin nagsalamangka. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

2 Mga Hade 8:18

Inarog niya an maraot na mga ginibo ni Hadeng Ahab asin kan iba pang hade nin Israel, huli ta naagom niya an aking babae ni Ahab. Ginibo niya an maraot sa atubangan kan Kagurangnan.

2 Mga Cronica 31:1

Pakatapos kan pyesta, naglibot an mga Israelita sa mga syudad nin Juda asin pinaralod an mga harigi saka mga simbolo kan diosang si Asera saka rinaot an mga paganong altar asin mga lugar na pagsasambahan sa bilog na Juda, sa Benjamin, sa Efraim asin sa Manases. Pakatapos nagpuruli sinda gabos sa saindang harong.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”