2 Mga Hade 23:13 - Marahay na Bareta Biblia

¹³ Binasang-basang niya an mga altar na nasa sirangan nin Jerusalem, sa parteng habagat kan Bukid nin mga Oliba. An mga altar na ini ginibo ni Hadeng Solomon para ki Astarte, an makauuyam na diosa nin Sidon, para ki Kemos, an dios nin Moab, asin para ki Molek, an dios nin Ammon.

2 Mga Hade 23:13 ပူးပေါင်းရင်းမြစ်များ

1 Mga Hade 11:33

Gigibohon ko ini huli ta isinikwal ako ni Solomon asin nagsamba siya sa mga dayuhan na dios: ki Astarte, an diosa nin Sidon; ki Kemos, an dios nin Moab; asin ki Molek, an dios nin Ammon. Tinalikodan ako ni Solomon; nagkasala siya asin dai niya inotob an sakong mga togon saka mga pagboot, bakong arog kan gibo kan saiyang ama na si David.

1 Mga Hade 11:5

Nagsamba siya ki Astarte, an diosa nin Sidon, asin ki Molek, an makauuyam na dios nin Ammon.

1 Mga Hade 11:7

Sa bukid sa sirangan nin Jerusalem, nagpatugdok siya nin sarong altar para ki Kemos, an makauuyam na dios nin Moab, asin para ki Molek, an nakakauuyam na dios nin Ammon.

Nehemias 13:26

Sinabihan ko sinda, “Mga dayuhan na babae an nagin dahelan kan pagkasala ni Hadeng Solomon. Sa gabos na hade sa ibang nasyon mayo nin hade na mas nagin dakula ki sa saiya. Namotan siya nin Dios saka ginibong hade kan bilog na Israel, alagad nagkasala siya huli sa mga dayuhan na babae.

Isaias 44:19

An paragibo nin ladawan mayo nin pakasabot o kadonongan nganing magsabi, “An kabanga kan kahoy sakong iginatong sa kalayo. Nagluto ako nin tinapay asin nagdarang ako nin karne dangan kinakan ko iyan. An kabanga kan kahoy ginibo kong ladawan. Uya akong nagluluhod sa sarong kaputol na kahoy.”

Jeremias 11:13

An mga dios-dios kan mga taga Juda arog kadakul kan saindang mga syudad asin an mga altar na itinugdok kan mga nag-eerok sa Jerusalem para sa makauuyam na dios-dios na si Baal arog kadakul kan mga tinampo nin Jerusalem.

Jeremias 48:13

Dangan ikakasopog kan mga taga Moab si Kemos, na saindang dios-dios, arog kan ikinasopog kan mga taga Israel si Betel, an dios-dios na saindang pinagsarigan.

Jeremias 48:16

Harani na an kataposan nin Moab; nagdadangadang na an saiyang pagkaraot.

Jeremias 48:7

“Moab, nanarig ka sa saimong kosog asin yaman, alagad ngunyan maski ika masasakop; mabibihag an saimong dios-dios na si Kemos, kaiba an saiyang mga prinsipe saka mga padi.

Sofonias 1:5

Gagadanon ko an siisay man na nagsasakat sa atop dangan nagsasamba sa aldaw, sa bulan, saka sa mga bitoon. Pupuhoon ko man an mga nagsasamba sako asin nanunuga na magigin maimbod sako, alagad nanunumpa sa ngaran kan dios-dios na si Molec.

Mga Bilang 21:29

Herak man saimo, O Moab! Ini an saimong kataposan, O banwaan nin Kemos! Pinabayaan niyang magin paradulag an saiyang mga aking lalaki Asin an mga aking babae nagin bihag kan hadeng Amoreo.

Hukom 10:6

Nagkasala giraray sa Kagurangnan an mga Israelita. Nagsaramba sinda sa mga Baal asin sa mga Astarte, patin sa mga dios-dios kan Siria, Sidon, Moab, Ammon asin Filistia. Binayaan ninda an Kagurangnan asin dai na nagsamba saiya.

Hukom 11:24

Tano ta boot nindong kuahon iyan ngunyan? Saindo na an itinao saindo ni Kemos na saindong dios-dios, alagad sasadirihon mi an kinua para sa samo nin Kagurangnan na samong Dios.

Hukom 2:13

Nag-ontok sinda sa pagsamba sa Kagurangnan asin naglingkod sa mga Baal sagkod sa mga Astarte.

1 Samuel 12:10

Dangan nag-agrangay sinda sa Kagurangnan tanganing tabangan; olay ninda, ‘Nagkasala kami, Kagurangnan, huli ta nagtalikod kami saimo asin nagsamba sa mga ladawan ni Baal saka ni Astarte. Ligtasan kami sa samong mga kaiwal asin sasambahon mi ika.’

1 Samuel 7:4

Kaya hinale kan mga Israelita an mga ladawan ni Baal saka ni Astarte, asin an Kagurangnan sana an saindang pinaglingkodan.