2 Mga Hade 22:2 - Marahay na Bareta Biblia

² Ginibo ni Josias an matanos sa atubangan nin Kagurangnan asin sinunod niya an paarog kan saiyang ginikanan na si David; maimbod na kinuyog niya an mga togon nin Dios.

2 Mga Hade 22:2 ပူးပေါင်းရင်းမြစ်များ

1 Mga Hade 11:38

Kun kukuyogon mo nanggad ako, mamumuhay sosog sa sakong katogonan, asin maggigibo kan matanos sa atubang ko huli sa pag-otob kan sakong mga togon saka mga pagboot siring kan ginibo kan sorogoon kong si David, danay takang iibahan. Gigibohon takang hade nin Israel asin gigibohon kong hade an saimong mga kapagarakian bilang kasalihid mo, siring kan ginibo ko para ki David.

1 Mga Hade 15:11

Ginibo ni Asa an matanos sa atubang nin Kagurangnan, siring kan ginibo ni David na saiyang ginikanan.

1 Mga Hade 15:5

Ginibo ini nin Kagurangnan huli ta ginibo ni David an nakawili saiya asin dai nanggad si David naglapas kan arin man kan mga kabotan niya, pwera kan manongod sa kaso ni Urias na Heteo.

1 Mga Hade 3:6

Nagsimbag si Solomon, “Pinahilingan mo nin dakula asin danay na pagkamoot an sakong ama na si David na saimong sorogoon huli ta naglakaw siya na maimbod, matanos asin marahay sa atubangan mo. Ipinadagos mo an pagpahiling kan dakula asin danay na pagkamoot saiya kan tawan mo siya nin sarong aking lalaki tanganing magtukaw ngunyan sa saiyang trono.

2 Mga Hade 12:3

Alagad dai niya rinaot an paganong mga lugar na pagsasambahan, kaya an mga tawo nagpadagos sa pag-atang asin sa pagtutong nin insenso duman.

2 Mga Hade 14:3

Ginibo niya an matanos sa atubangan nin Kagurangnan, alagad bako siya arog sa saiyang ginikanan na si Hadeng David, huli ta inarog niya an ginibo kan saiyang ama na si Joas.

2 Mga Hade 16:2

Beynteng taon an edad ni Ahaz kan siya magin hade, asin dyes y seis na taon siyang naghade sa Jerusalem. Dai niya inarog si David na saiyang ginikanan, kundi ginibo niya an bakong matanos sa atubangan nin Kagurangnan na saiyang Dios,

2 Mga Hade 18:3

Ginibo niya an matanos sa atubangan nin Kagurangnan, arog kan ginibo ni David na saiyang ginikanan.

2 Mga Cronica 17:3

Benendisyonan nin Kagurangnan si Jehosafat, huli ta sinunod niya an mga naenot na paarog nin saiyang ama. Dai siya nagsamba ki Baal,

2 Mga Cronica 29:2

Ginibo niya an matanos sa atubang nin Kagurangnan, arog kan ginibo ni David na saiyang ginikanan.

2 Mga Cronica 31:20

Sa bilog na Juda, ginibo ni Hadeng Ezekias an matanos saka an nawiwilihan nin Kagurangnan na saiyang Dios.

2 Mga Cronica 34:1

Walong taon an edad ni Josias kan siya magin hade nin Juda, asin treynta y unong taon siyang naghade sa Jerusalem.

Mga Talinhaga 20:11

Maski an aki namimidbid huli sa saiyang gibo; maaaraman mo sa saiyang gibo kun siya marahay asin onesto.

Mga Talinhaga 4:27

Likayan mo an karatan asin magpadagos ka sa matanos na paglakaw. Dai ka magliko sa wala o sa too.

Sofonias 1:1

Iyo ini an mensahe na itinao nin Kagurangnan ki Sofonias kan panahon na si Josias na aking lalaki ni Amon iyo an hade nin Juda. (Si Sofonias aking lalaki ni Cusi na aking lalaki ni Gedalias; si Gedalias aking lalaki ni Amarias na aking lalaki ni Hadeng Ezekias.)

Deuteronomio 5:32

“Banwaan nin Israel, otobon nanggad nindo an gabos na ipinagboot saindo nin Kagurangnan na saindong Dios. Dai kamo maglapas kan arin man sa saiyang mga togon.

Josue 1:7

Magmaisog ka sana asin pakosoga an saimong boot; kuyogon mo nanggad an gabos na togon na itinao saimo kan sakong sorogoon na si Moises. Dai ka magsuhay kan arin man kaiyan asin magigin marahay an saimong buhay maski saen ka magduman.