2 Mga Hade 22:19 - Marahay na Bareta Biblia

¹⁹ asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi, tanganing magin sinda mapungaw saka magin maldisyon. Ginisi mo an saimong gubing saka naghibi sa atubang ko. Nadangog ko an saimong pamibi,

2 Mga Hade 22:19 ပူးပေါင်းရင်းမြစ်များ

1 Mga Hade 21:29

“Nahiling mo kun paano nagpakumbaba sa atubang ko si Ahab? Huli ta nagpakumbaba siya sa atubang ko, dai ko siya papadarahan nin karatan mantang nabubuhay siya; ipapadara ko an karatan sa panahon kan saiyang aking lalaki.

2 Mga Hade 19:20

Dangan nagpadara nin mensahe si Isaias ki Ezekias na bilang kasimbagan sa pamibi kan hade

2 Mga Hade 20:5

“Magbalik ka ki Ezekias, na kagsakop kan sakong banwaan asin sabihan mo siya, ‘Ako, an Kagurangnan, an Dios kan saimong ginikanan na si David. Nadangog ko an saimong pamibi asin nahiling an saimong mga luha. Bobolongon taka, dangan sa ikatolong aldaw maduman ka sa Templo.

2 Mga Hade 22:11

Kan madangog kan hade an nasusurat sa libro, ginisi niya an saiyang gubing.

2 Mga Cronica 32:26

Sa kahuri-hurihi, nagpakumbaba si Ezekias asin an banwaan nin Jerusalem, kaya dai pinadusahan nin Kagurangnan an mga tawo mantang buhay pa si Ezekias.

2 Mga Cronica 33:12

Sa saiyang pagtios, nagin mapakumbaba siya sa Dios nin saiyang mga ginikanan asin naghagad nin tabang.

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

2 Mga Cronica 33:23

Alagad bako siyang arog kan saiyang ama na nagpakumbaba saka nagbalik sa Kagurangnan; dai siya nagpakumbaba kundi orog na nagkasala.

2 Mga Cronica 34:27

asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi. Ginisi mo an saimong gubing saka naghibi sa atubangan ko. Nadangog ko an saimong pamibi,

Esdras 10:1

Mantang namimibi saka nagkukumpisal si Esdras na naghihibi asin nakaduko sa atubang kan Templo, sarong dakulang grupo nin mga Israelita—mga lalaki, babae, asin mga aki—an nagtiripon sa palibot niya, naghihibi nin makuri.

Nehemias 1:4

Pakadangog ko kaini, nagtukaw ako asin naghibi. Nagkapirang aldaw akong nagmondo saka nag-ayuno. Nagpamibi ako sa Dios,

Nehemias 8:9

Kan madangog kan mga tawo an hinahagad kan Katogonan, natanyog an saindang boot asin huminibi sinda. Kaya sinabihan sinda ni Nehemias, na iyo an gobernador, ni Esdras na padi saka paratukdo kan Katogonan, asin kan mga Levita na nagtukdo sa mga tawo, “An aldaw na ini banal sa Kagurangnan na saindong Dios, kaya dai kamo magmondo o maghibi.

Salmo 119:120

Nagtatakig an sakong laman sa takot saimo; natatakot ako sa saimong paghukom.

Salmo 119:136

An sakong mga luha nagbubulos siring sa sarong salog huli ta dai nagkukuyog an mga tawo kan saimong katogonan.

Salmo 51:17

O Dios, espiritung nagsosolsol an sakong atang; mapakumbaba asin nagsosolsol na puso dai mo isisikwal.

Salmo 51:19

Dangan ikakaogma mo an mga maninigong sakripisyo, asin an samong mga tinutong na atang; mga torong baka na idodolot sa saimong altar.

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Isaias 46:12

“Dangoga nindo ako, mga tawong matagas an payo, na nag-iisip na harayo pa an kapangganahan.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 14:17

Pinagbotan ako nin Kagurangnan na itaram ko sa banwaan an manongod sa sakong kamondoan asin magsabi: “Magbulos logod an mga luha sa sakong mga mata aldaw banggi; dai logod ako mag-ontok sa pagtangis, huli ta hararom an lugad kan sakong banwaan asin an kulog na saiyang namamatean makuring marahay.

Jeremias 26:6

Kun padagos kamong dai magkuyog, gigibohon ko sa Templong ini an ginibo ko sa Shilo, dangan gagamiton kan gabos na nasyon sa kinaban an ngaran kan syudad na ini bilang sarong maldisyon.”

Jeremias 36:13

Inosip sainda ni Micaias an gabos na nadangog niyang binasa ni Baruc sa mga tawo.

Jeremias 36:24

Alagad dai lamang natakot o nagpahiling nin anoman na tanda nin pagmondo an hade, ni an siisay man sa mga opisyal niya.

Jeremias 44:22

Sa mismong aldaw na ini, raot an saindong daga saka mayo nin nag-eerok. Nagin iyan sarong tanawon na nakakatakot, asin an ngaran kaiyan ginagamit kan mga tawo bilang sarong maldisyon, huli ta dai na natagalan nin Kagurangnan an saindong karatan saka makauuyam na mga gibo.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Ezekiel 9:4

dangan sinabihan, “Maglibot ka sa bilog na syudad nin Jerusalem asin markahan mo an angog kan lambang saro na nag-aagrangay asin nasasakitan huli kan gabos na makauuyam na mga bagay na ginigibo sa syudad.”

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Mga Bilang 25:6

Saro sa mga Israelita an nagdara nin babaeng Midianita sa saiyang tolda sa panhiling ni Moises asin kan bilog na komunidad mantang nagtatangis an mga ini sa may pintoan kan Tabernakulo.

Lukas 19:41

Kan harani na si Jesus sa syudad, asin natatanaw na niya ini, tinangisan niya an syudad.

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.

Hukom 20:26

Dangan nagduman sa Betel an gabos na Israelita asin nagmondo. Nagturukaw sinda sa atubang nin Kagurangnan asin dai nagkakan sagkod sa banggi. Nagdolot sinda nin mga tinutong na atang asin mga dolot para sa katoninongan sa atubang nin Kagurangnan.

1 Samuel 24:5

Alagad pakatapos, nagbasol si David.