2 Mga Hade 22:17 - Marahay na Bareta Biblia

¹⁷ Tinalikodan ninda ako asin nagtutong sinda nin insenso para sa mga dios-dios kaya pinaanggot ninda ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

2 Mga Hade 22:17 ပူးပေါင်းရင်းမြစ်များ

2 Mga Hade 21:22

Isinikwal niya an Kagurangnan, an Dios nin saiyang mga ginikanan, asin dai niya kinuyog an mga pagboot nin Kagurangnan.

2 Mga Cronica 28:25

Sa lambang syudad saka banwa nin Juda, nagtugdok siya nin paganong mga lugar na pagsasambahan, saen tututongon an mga insenso para sa mga dios-dios. Huli kaini, naanggot saiya an Kagurangnan, an Dios kan saiyang mga ginikanan.

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

Exodo 32:34

Alagad lakaw na asin pangenotan mo an mga tawo pasiring sa lugar na itinaram ko saimo. Giromdoma na papangenotan kamo kan sakong anghel, alagad maabot an panahon na papadusahan ko an mga tawong iyan huli kan saindang kasalan.”

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 22:9

Dangan masirimbag sinda, ‘Huli ta tinalikodan ninda an tipan nin Kagurangnan na saindang Dios, asin sinamba ninda saka pinaglingkodan an ibang mga dios.’”

Jeremias 36:7

Tibaad mamibi sinda sa Kagurangnan asin talikodan ninda an maraot nindang pamumuhay huli ta pinatakot nin Kagurangnan an saiyang banwaan kan saiyang nakakatakot na kaanggotan asin kabangisan.”

Jeremias 7:20

Kaya ako, an Kagurangnan Dios, an maula kan labi-labi kong kaanggotan sa Templong ini. Iuula ko iyan sa mga tawo saka sa mga hayop, asin maski sa mga kahoy saka sa mga tinanom. Malaad an sakong kaanggotan asin mayo nin siisay man na makakasigbo kaiyan.

Mikas 5:13

Raraoton ko an saindong mga dios-dios saka mga hariging gapo; dai na nanggad kamo magsasamba kan mga bagay na kamo mismo an naggibo.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Zacarias 1:2

Sinabihan kan Kagurangnan nin mga hukbo si Zacarias na taraman an mga tawo nin siring, “Ako, an Kagurangnan, naaanggot sa saindong mga ginikanan,

Deuteronomio 32:21

Pinaimon ninda ako kan saindang mga dios-dios, pinaanggot kan inaapod nindang mga dios-dios. Kaya papaimonon ko sinda asin papaanggoton, huli sa sarong lolong na nasyon.

Deuteronomio 32:22

Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.

Deuteronomio 32:23

“‘Tatambakan ko sinda nin kasakitan; gagamitan ko sinda kan sakong mga pana.

1 Tesalonica 2:16

Hiningowa pa nindang paontokon kami sa paghulit sa mga pagano kan mensahe na magliligtas sa mga ini. Huli kaini uminabot na sa kasagkoran an gabos na kasalan na danay nindang ginigibo. Kaya ngunyan uminabot na an kaanggotan nin Dios sainda.