2 Mga Hade 22:13 - Marahay na Bareta Biblia

¹³ “Magduman kamo dangan hapoton nindo an Kagurangnan para sako para sa banwaan, asin para sa gabos na taga Juda manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an dapat na gibohon siring sa sinasabi kan librong ini.”

2 Mga Hade 22:13 ပူးပေါင်းရင်းမြစ်များ

2 Mga Hade 23:26

Alagad dai nahale an makuring kaanggotan kan Kagurangnan laban sa Juda huli kan ginibo ni Hadeng Manases.

2 Mga Hade 3:11

Naghapot si Hadeng Jehosafat, “Mayo digdi nin propeta na pwedeng makihumapot sa Kagurangnan para sato?” Sarong opisyal kan hukbo ni Hadeng Joram an nagsimbag, “Yaon digdi si Eliseo na aking lalaki ni Safat. Dati siyang katabang ni Elias.”

2 Mga Cronica 29:6

An satong mga ginikanan dai nagin maimbod asin ginibo ninda an dai nawiwilihan kan Kagurangnan na satuyang Dios. Binayaan ninda siya asin tinalikodan an saiyang erokan.

2 Mga Cronica 34:21

“Magduman kamo dangan makihumapot sa Kagurangnan para sako asin para sa natatada sa mga taga Israel saka Juda, manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an mga tataramon nin Kagurangnan, asin dai ginibo an gabos na ipinagboboot kan librong ini.”

Nehemias 9:3

Sa laog nin tolong oras binasa sainda an Katogonan nin Kagurangnan na saindang Dios; an sunod na tolong oras ginamit ninda sa pagkumpisal kan saindang mga kasalan asin sa pagsamba sa Kagurangnan na saindang Dios.

Salmo 106:6

Nagkasala kami arog kan samong mga ginikanan; nagsombikal kami, guminibo nin karatan.

Salmo 25:14

Mga katood nin Kagurangnan an mga may pagkatakot saiya; an saiyang tipan ipinapahayag niya sainda.

Salmo 76:7

Alagad ika, Kagurangnan, kinatatakotan kan gabos. Mayo nin makakaatubang saimo kun ika anggot.

Salmo 76:8

Ipinahayag mo an paghukom hale sa langit; natakot an daga asin dai naggirong,

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Mga Talinhaga 3:6

Giromdoma siya sa gabos mong gibo, asin an tamang dalan itutukdo niya saimo.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Jeremias 16:12

Alagad mas maraot an ginibo nindo ki sa ginibo kan saindong mga ginikanan. Kamo gabos matatagas an payo asin mararaot. Dai kamo nagkukuyog sako.

Jeremias 36:7

Tibaad mamibi sinda sa Kagurangnan asin talikodan ninda an maraot nindang pamumuhay huli ta pinatakot nin Kagurangnan an saiyang banwaan kan saiyang nakakatakot na kaanggotan asin kabangisan.”

Jeremias 37:17

Sarong aldaw ipinaapod ako ni Hadeng Zedekias, asin duman sa palasyo hilom na hinapot niya ako, “Igwa ka nin mensahe hale sa Kagurangnan?” Nagsimbag ako, “Igwa. Itatao ka sa hade nin Babilonia.”

Jeremias 44:17

Gigibohon mi an samong mga ipinanuga. Magtututong kami nin insenso sa reyna nin langit, saka mag-uula kami nin mga dolot na arak para saiya, arog kan dati nyamong ginigibo asin kan samong mga ginikanan, kan samong hade saka mga lider, sa mga banwa sa Juda asin sa mga tinampo nin Jerusalem. Kadakul kaidto kan samong pagkakan, mauswag kami asin mayo nin nag-abot samong kasakitan.

Mga Panambitan 5:7

Nagkasala an samong mga ginikanan, asin mayo na sinda ngunyan, alagad kami an nagtitios para sa saindang mga kasalan.

Daniel 9:10

Dai kami nagdangog saimo, Kagurangnan na samong Dios, kan taraman mo kaming mamuhay sosog sa itinao mong togon samo huli sa saimong mga sorogoon na mga propeta.

Levitico 26:14

“Alagad kun dai nindo ako dangogon asin dai nindo gibohon an mga pagboot ko, papadusahan ko kamo.

Amos 3:7

Mayo pang ginibo an Kagurangnan Dios na dai ngona ipinahayag sa saiyang mga sorogoon, an mga propeta.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Roma 3:20

Huli ta mayo nin siisay man na magigin matanos sa Dios huli sana sa pagsunod kan Katogonan; an Katogonan iyo an nagpapamidbid sa tawo na siya nagkasala.

Roma 4:15

An Katogonan nagdadara kan padusa; alagad kun mayo nin katogonan, mayo man nin paglapas kaiyan.

Roma 7:9

Kaidtong mayo nin katogonan, buhay ako. Kan igwa na kan togon, nagkaigwa nin buhay an kasalan, asin ako an nagadan.

Deuteronomio 27:26

“‘Maldisyonon an siisay man na dai magkuyog kan gabos na togon saka katukdoan nin Dios.’ “Dangan an bilog na banwaan masimbag, ‘Amen!’

Kapahayagan 6:17

Huli ta an mangirhat na aldaw kan saindang kaanggotan nag-abot na asin siisay an makakatagal kaiyan?”