2 Mga Hade 21:7 - Marahay na Bareta Biblia

⁷ An imahen kan diosang si Asera na saiyang ginibo, ibinugtak niya sa laog kan Templo, sa lugar na iyo an sinabi nin Kagurangnan kan siya magtaram ki David asin ki Solomon na aki kaini: “Digdi sa Templong ini, asin sa Jerusalem, na pinili ko hale sa gabos na tribu nin Israel, ibubugtak ko an sakong ngaran sagkod pa man.

2 Mga Hade 21:7 ပူးပေါင်းရင်းမြစ်များ

2 Samuel 7:13

Siya an matugdok nin Templo para sako, asin gigibohon kong magdanay an saiyang trono sagkod pa man.

1 Mga Hade 8:29

Bantayan mo logod an Templong ini aldaw-banggi, an lugar na ini na saimong pinili na pagsasambahan saimo. Hinanyoga ako kun mag-atubang ako sa Templong ini asin mamibi.

1 Mga Hade 8:44

“Kun makigera an saimong banwaan laban sa saindang kaiwal, saen man na lugar mo sinda isubol, dangan mamibi sinda saimo na nakaatubang sa syudad na pinili mo asin sa Templong ini na sakong itinugdok para saimo,

1 Mga Hade 9:3

Nagtaram saiya an Kagurangnan, “Nadangog ko an saimong pamibi asin pakimaherak na ginibo mo sa sakong atubang. Kinokonsagra ko an Templong ini na itinugdok mo, bilang lugar na pagsasambahan sako sagkod lamang; babantayan asin aatamanon ko an Templo sa gabos na panahon.

1 Mga Hade 9:7

hahaleon ko an banwaan nin Israel sa dagang itinao ko sainda. Pababayaan ko man an Templong ini na kinonsagra ko para sa sakong ngaran. An Israel magigin ngingisihan asin pagtutuyatuyaon kan gabos na banwaan.

2 Mga Hade 16:11

Naggibo si Urias nin altar na pareho nanggad kan ladawan, asin tinapos niya an altar bago nagbalik si Ahaz.

2 Mga Hade 21:4

Naggibo siya nin paganong mga altar sa laog kan Templo, an lugar na sinabi nin Kagurangnan na dapat pagsambahan saiya.

2 Mga Hade 23:27

Nagtaram an Kagurangnan, “Gigibohon ko sa Juda an ginibo ko sa Israel: Paparaon ko sa sakong panhiling an Juda, saka isisikwal ko an Jerusalem, an syudad na pinili ko, asin an Templo, an sinabi kong lugar na pagsasambahan sako.”

2 Mga Hade 23:4

Dangan pinagbotan kan hade si Hilkias, an halangkaw na padi, an katabang kaining mga padi, asin an mga bantay sa agihan pasiring sa Templo na iluwas sa Templo an mga kagamitan na manongod ki Baal, ki Asera, saka sa mga bitoon. Ipinasulo kan hade an gabos na kagamitan sa luwas kan Jerusalem, sa Kapantayan nin Kidron, asin ipinadara niya sa Betel an mga abo.

2 Mga Hade 23:6

Ipinahale niya sa Templo an tanda kan diosang si Asera. Ipinadara niya ini sa luwas kan syudad, sa kapantayan nin Kidron, asin duman ipinasulo. Dangan ipinabayo niya nin pino an abo saka ipinawarak sa lulubngan kan mga ordinaryong tawo.

2 Mga Cronica 33:15

Hinale niya sa Templo an dayuhan na mga dios-dios asin an ladawan na ibinugtak niya duman. Hinale man niya an mga altar na ginibo niya sa bukid na namumugtakan kan Templo asin sa iba pang mga lugar sa Jerusalem. Dinara niya idto gabos sa luwas kan syudad dangan itinapok.

2 Mga Cronica 33:7

An imahen kan dios-dios na saiyang ginibo, ibinugtak ninda sa laog kan Templo, sa lugar na iyo an sinabi nin Dios kan siya magtaram ki David asin ki Solomon na aki kaini: “Digdi sa Templong ini, asin sa Jerusalem na pinili ko hale sa gabos na tribu nin Israel, ibubugtak ko an sakong ngaran sagkod pa man.

2 Mga Cronica 6:6

Alagad ngunyan pinili ko an Jerusalem bilang lugar na pagsasambahan sako; pinili ko man si David bilang hade kan sakong banwaan na Israel.’”

2 Mga Cronica 7:12

Dangan sarong banggi nagpahiling an Kagurangnan ki Solomon asin nagtaram, “Nadangog ko an saimong pamibi asin inako ko an Templong ini bilang harong na pagdodolotan nin sakripisyo para sako.

2 Mga Cronica 7:16

huli ta pinili asin kinonsagra ko ini bilang lugar na pagsasambahan sako sagkod lamang; babantayan saka aatamanon ko ini sa gabos na panahon.

2 Mga Cronica 7:20

hahaleon ko kamo sa daga na itinao ko saindo. Papabayaan ko an Templong ini na kinonsagra ko para sa sakong ngaran. Pagngingisihan ini saka pagtutuyatuyaon kan gabos na tawo.

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Salmo 74:2

Giromdoma an saimong banwaan, na kaidtong panahon pinili mo para saimo; na tinubos mo sa kaoripnan tanganing magin sadiring tribu. Giromdoma an Bukid nin Sion na saimong dating pinag-erokan.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Jeremias 32:34

Ibinugtak pa ninda an saindang makauuyam na mga dios-dios sa Templo na itinugdok para sa pagsamba sako, asin dinigtaan ninda iyan.

Jeremias 7:30

“Guminibo nin karatan an mga taga Juda. An mga ladawan na kinakaongisan ko ibinugtak ninda sa sakong Templo asin dinigtaan ninda ini.

Ezekiel 23:38

Bako sana iyan, dinigtaan ninda an sakuyang Templo asin linapas an Sabbath sa pareho man sanang aldaw.

Deuteronomio 16:21

“Kun maggibo kamo nin altar para sa Kagurangnan na saindong Dios, dai kamo magpatindog nin kahoy na tanda kan diosang si Asera sa kataed kaiyan.