2 Mga Hade 21:2 - Marahay na Bareta Biblia

² Nagkasala siya sa Kagurangnan huli kan pagsunod niya sa makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Hade 21:2 ပူးပေါင်းရင်းမြစ်များ

2 Mga Hade 17:2

Nagkasala siya sa Kagurangnan alagad bakong arog kan pagkakasala kan mga hade sa Israel na nagkaerenot saiya.

2 Mga Hade 21:11

“Ginibo ni Manases na hade nin Juda an makauuyam na mga bagay na ini, mga bagay na mas maraot ki sa mga ginibo kan mga Cananeo; asin huli kan saiyang mga dios-dios pinapagkasala niya an banwaan nin Juda.

2 Mga Hade 21:16

Laen pa kan ginibo ni Manases na pangengenot sa mga tawo sa pagsamba sa mga dios-dios, na ipinagkasala ninda sa Kagurangnan, kadakul pa siyang ipinagadan na mayo nin kasalan; kaya an mga tinampo sa Jerusalem nagbulos nin dugo.

2 Mga Hade 21:20

Arog kan saiyang ama na si Manases, nagkasala siya sa Kagurangnan;

2 Mga Hade 21:21

inarog niya an mga gibo kan saiyang ama, asin sinamba niya an mga ladawan na sinamba kan saiyang ama.

2 Mga Hade 21:7

An imahen kan diosang si Asera na saiyang ginibo, ibinugtak niya sa laog kan Templo, sa lugar na iyo an sinabi nin Kagurangnan kan siya magtaram ki David asin ki Solomon na aki kaini: “Digdi sa Templong ini, asin sa Jerusalem, na pinili ko hale sa gabos na tribu nin Israel, ibubugtak ko an sakong ngaran sagkod pa man.

2 Mga Hade 22:17

Tinalikodan ninda ako asin nagtutong sinda nin insenso para sa mga dios-dios kaya pinaanggot ninda ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

2 Mga Hade 23:32

Nagkasala siya sa Kagurangnan huli ta sinunod niya an paarog kan saiyang mga ginikanan.

2 Mga Hade 24:9

Ginibo niya an maraot sa atubangan kan Kagurangnan huli ta sinunod niya an paarog kan saiyang ama.

2 Mga Cronica 36:14

An mga lider nin Juda, an mga padi asin an bilog na banwaan dai man nagin maimbod sa Kagurangnan, kundi nagsunod sa makauuyam na mga gawe kan ibang mga nasyon, kaya nadigtaan ninda an Templo na an Kagurangnan mismo an nagpabanal.

Parahulit 9:18

Mas marahay an kadonongan ki sa mga armas nin gera, alagad an sarong parakasala nagraraot nin dakul na karahayan.

Isaias 66:4

Kaya papadarahan ko sinda nin kapahamakan—an mga bagay mismo na saindang kinakatakotan—huli ta mayo nin nagsimbag kan ako mag-apod, o naghinanyog kan ako magtaram. Pinili ninda an pagsombikal sako asin an paggibo nin maraot.”

Jeremias 15:4

Gigibohon kong matakot sainda an gabos na tawo sa kinaban huli kan ginibo ni Manases, na aking lalaki ni Ezekias, sa Jerusalem kan siya iyo an hade nin Juda.”

Ezekiel 11:12

Maaaraman nindo na ako an Kagurangnan, huli ta dai kamo naglakaw sosog sa sakong mga pagboot asin dai nindo inotob an sakong togon kundi sinunod nindo an mga pagboot kan mga nasyon sa palibot nindo.”

Ezekiel 16:51

“An kasalan kan Samaria dai man lamang nakabanga sa mga kasalan mo. Mas dakul na makauuyam na mga gawe an ginibo mo. Huli kan karompotan mo, an mga tugang mong babae garo nagin matanos kun ibaing an ginibo ninda sa naginibo mo.

Ezekiel 22:3

Isabi mo sa syudad kun ano an itinataram ko, an Kagurangnan Dios: Huli ta dakul an ginadan mo sa sadiri mong banwaan asin dinigtaan mo an saimong sadiri huli sa pagsamba sa mga dios-dios, kaya nagdadangadang na an oras mo.

Deuteronomio 12:31

Dai nindo pagsambahon an Kagurangnan na saindong Dios siring kan pagsamba ninda sa saindang mga dios-dios, huli ta sa saindang pagsamba, minagibo sinda nin mangirhat na mga bagay na ikinakaongis nin Kagurangnan. Maski an saindang mga aki tinututong ninda sa saindang mga altar.