2 Mga Hade 21:15 - Marahay na Bareta Biblia

¹⁵ Gigibohon ko ini sa sakong banwaan huli ta nagkasala sinda sako asin pinaanggot ninda ako magpoon kan aldaw na naghale sa Egipto an saindang mga ginikanan sagkod ngunyan.”

2 Mga Hade 21:15 ပူးပေါင်းရင်းမြစ်များ

2 Mga Hade 21:14

Papabayaan ko an kadikit na matadang buhay, asin itatao ko sinda sa saindang mga kaiwal, na masakop sainda saka masamsam kan saindang daga.

2 Mga Hade 21:16

Laen pa kan ginibo ni Manases na pangengenot sa mga tawo sa pagsamba sa mga dios-dios, na ipinagkasala ninda sa Kagurangnan, kadakul pa siyang ipinagadan na mayo nin kasalan; kaya an mga tinampo sa Jerusalem nagbulos nin dugo.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Jeremias 15:4

Gigibohon kong matakot sainda an gabos na tawo sa kinaban huli kan ginibo ni Manases, na aking lalaki ni Ezekias, sa Jerusalem kan siya iyo an hade nin Juda.”

Jeremias 25:7

Alagad an Kagurangnan mismo an nagsasabi na nagsayuma kamong maghinanyog saiya. Pinaanggot nindo siya huli kan saindong mga ladawan asin dinara nindo sa saindong sadiri an saiyang padusa.

Mga Panambitan 1:5

Mga kaiwal an nagsakop saiya, nagin mauswag an mga kalaban niya; pinasakitan siya nin Kagurangnan huli kan dakul niyang mga kasalan. Nagharale an saiyang kaakian, binihag kan mga kaiwal.

Ezekiel 20:13

Alagad maski sa kalangtadan, sinuhay ninda ako. Dai sinda naglakaw sosog sa sakong mga pagboot asin tinalikodan ninda an sakong mga togon, na nagtatao nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 20:21

“Alagad an henerasyon na idto nagtumang man sako. Dai sinda naglakaw sosog sa sakong mga pagboot asin sinuhay ninda an sakong mga togon, na nagdadara nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 20:30

Kaya isabi mo sa mga Israelita na ini an tataramon ko: tadaw ta dinidigtaan nindo an saindong sadiri arog kan saindong mga ginigikanan, asin linalamag nindo an saindang mga dios-dios?

Ezekiel 20:4

“Aki nin tawo, andam ka na sa paghukom sainda? Kun siring giboha na. Pagiromdoma sinda kan makauuyam na mga bagay na ginibo kan saindang mga ginikanan.

Ezekiel 23:3

Kan hoben pa sinda, asin nag-eerok pa sa Egipto, nawara an saindang pagkabirhen asin nagin sinda mga maraot na babae.

Daniel 9:15

“O Kagurangnan na samong Dios, ipinahiling mo an saimong kapangyarihan kan iluwas mo an saimong banwaan sa Egipto asin nagigiromdoman pa sagkod ngunyan an saimong kapangyarihan. Nagkasala kami; ginibo mi an bakong tama.

Deuteronomio 31:27

Aram ko kun gurano kasombikal asin katagas an payo kan banwaan na ini. Nagsombikal sinda tumang sa Kagurangnan mantang nabubuhay pa ako; orog na masombikal sinda saiya kun gadan na ako.

Deuteronomio 31:29

Aram kong pagkagadan ko, magigin maraot an banwaan na ini, asin isisikwal ninda an itinukdo ko sainda. Sa maabot na aldaw, maraot an mangyayari sainda, huli ta papaanggoton ninda an Kagurangnan huli sa paggibo kan mga bagay na ipinapangalad niya.”

Deuteronomio 9:21

Kinua ko an makasalan na bagay na iyan, an metal na baka na ginibo nindo, isinugba ko sa kalayo asin pinasa, giniling ko siring sa alpog, dangan ipinaanod an alpog duman sa sapa na nagbubulos sa bukid.