2 Mga Hade 21:11 - Marahay na Bareta Biblia

¹¹ “Ginibo ni Manases na hade nin Juda an makauuyam na mga bagay na ini, mga bagay na mas maraot ki sa mga ginibo kan mga Cananeo; asin huli kan saiyang mga dios-dios pinapagkasala niya an banwaan nin Juda.

2 Mga Hade 21:11 ပူးပေါင်းရင်းမြစ်များ

Genesis 15:16

Apat na henerasyon pa an maagi bago makabalik digdi an saimong kapagarakian huli ta dai ko papahaleon an mga Amoreo sagkod na dai pa nagsobra an saindang karatan kaya kaipuhan nang padusahan sinda.”

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

1 Mga Hade 15:30

Nangyari ini huli ta pinaanggot ni Jeroboam an Kagurangnan, an Dios nin Israel, huli sa mga kasalan niya asin kan kasalan na ipinagibo niya sa Israel.

1 Mga Hade 16:19

Nangyari ini huli kan saiyang mga kasalan sa Kagurangnan. Arog ki Jeroboam, pinaanggot niya an Kagurangnan huli kan sadiri niyang mga kasalan asin huli ta pinapagkasala niya an Israel.

1 Mga Hade 21:26

Ginibo niya an makauuyam na mga kasalan huli sa pagsamba sa mga dios-dios arog kan ginibo kan mga Amoreo, na pinahale nin Kagurangnan mantang nagdadangadang an banwaan nin Israel sa dagang idto.)

2 Mga Hade 16:3

asin sinunod niya an paarog kan mga hade nin Israel. Maski an sadiri niyang aking lalaki tinutong niya bilang atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Hade 21:10

Sa paagi kan mga propeta, nagtaram an Kagurangnan,

2 Mga Hade 21:16

Laen pa kan ginibo ni Manases na pangengenot sa mga tawo sa pagsamba sa mga dios-dios, na ipinagkasala ninda sa Kagurangnan, kadakul pa siyang ipinagadan na mayo nin kasalan; kaya an mga tinampo sa Jerusalem nagbulos nin dugo.

2 Mga Hade 21:2

Nagkasala siya sa Kagurangnan huli kan pagsunod niya sa makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Hade 21:20

Arog kan saiyang ama na si Manases, nagkasala siya sa Kagurangnan;

2 Mga Hade 21:21

inarog niya an mga gibo kan saiyang ama, asin sinamba niya an mga ladawan na sinamba kan saiyang ama.

2 Mga Hade 21:9

Alagad dai nagkuyog sa Kagurangnan an banwaan nin Juda, asin dinagka sinda ni Manases na magkasala nin orog ki sa mga kasalan na ginibo kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Hade 23:24

Laen pa kaiyan, hinale ni Josias an mga espiritista, an mga parahula, an mga dios-dios asin mga ladawan, dangan an gabos na makauuyam na bagay na nahiling sa daga nin Juda saka sa Jerusalem tanganing maotob an katogonan na nasusurat sa libro na nanumpongan kan halangkaw na padi na si Hilkias duman sa Templo.

1 Mga Cronica 1:14

Si Canaan iyo man an ginikanan kan mga Jebuseo, Amoreo, Gergeseo,

Jeremias 15:4

Gigibohon kong matakot sainda an gabos na tawo sa kinaban huli kan ginibo ni Manases, na aking lalaki ni Ezekias, sa Jerusalem kan siya iyo an hade nin Juda.”

Ezekiel 16:3

Sabihan mo an Jerusalem kun ano an itinataram saiya kan Kagurangnan Dios: “Namundag ka sa daga nin Canaan. Sarong Amoreo an saimong ama asin sarong Hetea an saimong ina.

Ezekiel 16:45

Ika mananggad an aking babae kan saimong ina. Ikinaongis niya an saiyang agom saka mga aki. Arog ka kan saimong mga tugang na babae, na naoongis sa saindang agom saka mga aki. Ika asin an mga tugang mong syudad igwa nin inang Hetea asin amang Amoreo.

Ezekiel 18:12

Dinadaya niya an mga dukha, nanghahabon siya asin dai niya ipinupuli an isinangra kan nag-utang saiya. Nagduduman siya sa mga paganong altar asin nagsasamba sa makauuyam na mga dios-dios,

Ezekiel 5:6

Alagad nagrebelde an Jerusalem tumang sa sakong mga togon asin nagpahiling na orog siyang masombikal ki sa mga nasyon sa palibot niya. Isinikwal kan Jerusalem an sakuyang mga togon asin dai kinuyog an sakong mga pagboot.