2 Mga Hade 20:19 - Marahay na Bareta Biblia

¹⁹ Dangan nagsimbag si Ezekias, “Marahay an tataramon nin Kagurangnan na sinabi mo sako.” Huli ta nagsaboot si Ezekias, “Magkakaigwa nin katoninongan saka katiwasayan sa sakuyang panahon.”

2 Mga Hade 20:19 ပူးပေါင်းရင်းမြစ်များ

1 Mga Hade 11:12

Alagad huli sa saimong ama na si David, dai ko ini gigibohon sa panahon mo kundi sa panahon kan saimong aki.

1 Mga Hade 2:38

Nagsimbag si Simei, “Marahay an sinabi mo, gigibohon ko an saimong ipinagboboot, mahal na hade.” Kaya nag-erok si Simei sa Jerusalem sa haloy na panahon.

2 Mga Hade 20:20

An iba pang ginibo ni Hadeng Ezekias, an saiyang kaisogan, dangan an paggibo niya nin sarong tangke nin tubig asin an pagkalot niya nin sarong agihan nin tubig pasiring sa syudad, gabos nasusurat sa An Kasaysayan kan mga Hade nin Juda.

2 Mga Hade 22:20

kaya an padusa na ipapadara ko sa Jerusalem dai mangyayari mantang buhay ka pa. Tutugotan takang magadan sa katoninongan.” Dangan nagbalik an mga sugo ki Hadeng Josias dara an mensaheng ini.

Esther 9:30

An surat ipinanongod sa gabos na Judio, asin an mga kopya ipinadara sa syento beynte y syeteng mga probinsya kan Imperyo nin Persia. An surat nagmawot nin katoninongan asin katiwasayan para sa mga Judio,

An Libro ni Job 1:21

Nagsabi siya, “Huba ako kan iluwas sa tulak kan sakong ina, asin huba akong mabalik. An Kagurangnan an nagtao, asin an Kagurangnan an nagkua. Pag-omawon logod an ngaran nin Kagurangnan!”

Salmo 39:9

Dai ako magirong, dai ako mataram; huli ta ika an kaggibo kaiyan.

Jeremias 33:6

Alagad bobolongon ko an syudad na ini asin an mga tawo digdi. Itatao ko giraray sainda an marahay na hawak. Papahilingan ko sinda nin nagsusupay na katoninongan saka katiwasayan.

Mga Panambitan 3:22

Mayo nin kataposan an pagkamoot asin an pagkaherak nin Kagurangnan,

Mga Panambitan 3:39

Tano ta magrereklamo an tawo kun pinapadusahan an saiyang mga kasalan?

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Zacarias 8:19

“An pag-aayuno na ginigibo sa ikaapat, ikalima, ikapito, asin ikasampolong bulan magigin mga pyesta nin kaogmahan saka kagayagayahan para sa mga taga Juda; kaya kamotan nindo an katotoohan asin an katoninongan.”

Lukas 2:10

Alagad sinabihan sinda kan anghel, “Dai kamo matakot! May dara akong marahay na bareta para saindo na magtatao nin dakulang kaogmahan sa gabos na tawo.

Lukas 2:14

“Pag-omawon an Dios sa kaitaasan asin sa daga katoninongan sa mga tawo na saiyang nawiwilihan!”

1 Samuel 3:18

Kaya inistorya saiya ni Samuel an gabos; mayo siyang itinago. Dangan nagsabi si Eli, “Siya an Kagurangnan; gigibohon niya an pinaghohona niyang marahay.”