2 Mga Hade 20:17 - Marahay na Bareta Biblia

¹⁷ Maabot an panahon na an gabos na bagay sa saimong palasyo, an gabos na bagay na tinipon kan saimong mga ginikanan sagkod sa aldaw na ini, dadarahon sa Babilonia. Mayo kaiyan nin matatada.

2 Mga Hade 20:17 ပူးပေါင်းရင်းမြစ်များ

2 Mga Hade 20:16

Dangan sinabihan ni Isaias an hade, “Hinanyoga an tataramon kan Kagurangnan:

2 Mga Hade 24:13

asin dinara sa Babilonia an gabos na kayamanan sa Templo saka sa palasyo. Siring kan ipinahayag kaidto nin Kagurangnan, pinarasa ni Nebukadnezzar an bulawan na mga kagamitan sa Templo na ipinagibo ni Hadeng Solomon.

2 Mga Cronica 36:10

Kan magpoon na an tig-init, binihag ni Hadeng Nebukadnezzar si Jehoiakin asin dinara sa Babilonia, kaiba an mga kayamanan sa Templo nin Kagurangnan. Dangan si Zedekias, na tiyo ni Jehoiakin, iyo an ginibo ni Nebukadnezzar na hade nin Juda saka Jerusalem.

2 Mga Cronica 36:18

Sinamsaman kan hade nin Babilonia an Templo nin Kagurangnan; dinara niya sa Babilon an gabos na kayamanan sa Templo, siring man an kayamanan kan hade asin kan mga opisyal kaini.

Jeremias 20:5

Papabayaan kong masamsam kan mga kaiwal ninda an gabos na kayamanan kan syudad na ini asin masadiri an gabos na rogaring ninda, maski na an mga kayamanan kan mga hade nin Juda. An gabos na bagay dadarahon ninda sa Babilonia.

Levitico 26:19

Babarion ko an kapaabaw-abawan kan saindong kapangyarihan; dai magkakaigwa nin uran asin magigin mamara saka matagas siring sa lansang an saindong daga.