2 Mga Hade 2:9 - Marahay na Bareta Biblia

⁹ Pakabalyo ninda, nagsabi si Elias ki Eliseo, “Sabihan sako kun ano an boot mong gibohon ko para saimo, bago ako kuahon.” “Nakikimaherak ako saimo na ipamana mo sako an kahirasan kan saimong kapangyarihan na iyo an magibo sako na kasalihid mo,” an simbag ni Eliseo.

2 Mga Hade 2:9 ပူးပေါင်းရင်းမြစ်များ

1 Mga Hade 19:16

lahidan mo si Jehu na aking lalaki ni Nimsi bilang hade nin Israel, asin lahidan mo si Eliseo na aking lalaki ni Safat na taga Abel-mehola bilang propeta na masalihid saimo.

1 Mga Hade 3:9

Kaya tawan mo ako kan kadonongan na kaipuhan ko tanganing pamayohan ko na may katanosan an saimong banwaan asin tanganing maaraman ko an kalaenan kan marahay asin maraot, huli ta siisay an pwedeng maghade sa banwaan mong ini na orog kadakula?”

Salmo 72:1

O Dios, itao mo sa hade an saimong hustisya; itao mo saiya an saimong katanosan!

Salmo 72:20

Iyo ini an kataposan kan mga pamibi ni David na aking lalaki ni Jesse.

Zacarias 12:8

Sa panahon na iyan, iingatan nin Kagurangnan an mga nag-eerok sa Jerusalem; maski an pinakamaluya sa sainda magigin siring kakosog ni David. An mga kapagarakian ni David an mangengenot sa sainda arog sa sarong anghel nin Kagurangnan, arog sa Dios mismo.

Zacarias 9:12

Magpuli na kamo, mga itinapok na ngunyan igwa nang paglaom; magpuli kamo sa ligtas nindong mga harong. Ngunyan tinataraman ko kamo na babayadan ko nin dobleng bendisyon an gabos na tinios nindo.

Mga Bilang 11:17

Mahilig ako dangan makikiolay saimo duman. Kukuahon ko an ibang espiritu na itinao ko saimo asin itatao ko sainda tanganing makatabang sinda sa pag-otob mo sa saimong katongdan para sa mga tawong ini; dangan dai ka na magsosolo sa pag-otob kaiyan.

Mga Bilang 11:25

Dangan naghilig sa panganoron an Kagurangnan asin kinaolay si Moises. Kinua nin Kagurangnan an ibang espiritu na itinao niya ki Moises asin itinao sa setentang mga lider. Kan maghilig sainda an espiritu, nagpoon sindang magpropesiya siring sa mga propeta, alagad dai iyan nahaloy.

Juan 16:7

Alagad sinasabihan ko kamo kan katotoohan: marahay para saindo na maghale ako, huli ta kun dai ako maghale, dai madigdi saindo an Parasurog. Alagad kun maghale ako, susugoon ko siya saindo.

Mga Gibo 1:8

Alagad maako kamo nin kapangyarihan pag-abot saindo kan Espiritu Santo asin kamo magigin mga saksi ko sa Jerusalem, sa bilog na Judea saka sa Samaria, sagkod sa mga poro kan kinaban.”

Mga Gibo 8:17

Dinutaan sinda ni Pedro asin ni Juan kan saindang mga kamot, dangan nag-ako sinda kan Espiritu Santo.

1 Corinto 12:31

Kaya hingowahon nindo na magkaigwa kan orog karahay na mga balaog hale sa Dios. Alagad itutukdo ko pa saindo an pinakamarahay sa gabos.

Deuteronomio 21:17

Doble an dapat na itao niyang kahirasan sa saiyang matua, minsan aki siya kan bako niyang padangat na agom. Kaipuhan midbidon niya an saiyang matua asin itao saiya an kahirasan na para saiya.

Deuteronomio 34:9

Napano nin kadonongan si Josue na aki ni Nun, huli ta siya an pinili ni Moises na magsalihid saiya. Nagkuyog ki Josue an banwaan nin Israel, asin nagsunod kan mga pagboot nin Kagurangnan na itinao sainda huli ki Moises.

1 Timoteo 5:17

Dapat bayadan nin doble an mga kamagurangan na marahay an gibo bilang lider, orog na idtong nagtatrabaho nin maigot sa paghulit saka sa pagtukdo.