2 Mga Hade 2:5 - Marahay na Bareta Biblia

⁵ Sarong grupo nin mga propeta na nag-eerok duman an nagdolok ki Eliseo saka naghapot, “Aram mo daw na an saimong kagurangnan kukuahon na nin Kagurangnan ngunyan na aldaw?” “Iyo, aram ko,” an simbag ni Eliseo, “Alagad mag-alo sana kamo.”

2 Mga Hade 2:5 ပူးပေါင်းရင်းမြစ်များ

Genesis 48:19

Alagad nagsayuma an saiyang ama, na nagsabing, “Aram ko, aki ko, aram ko. Magigin sarong dakulang banwaan man si Manases. Alagad orog na magigin dakula an ngohod niyang tugang, asin an saiyang mga kapagarakian magigin dakulang mga nasyon.”

1 Mga Hade 20:35

Sa pagboot nin Kagurangnan, saro sa mga kaayon sa grupo nin mga propeta an nagsugo sa sarong kapwa propeta na suntokon siya. Alagad nagsayuma an sinugo,

2 Mga Hade 2:3

Sarong grupo nin mga propeta na nag-eerok duman an nagdolok ki Eliseo saka naghapot, “Aram mo daw na an saimong kagurangnan kukuahon na nin Kagurangnan ngunyan na aldaw?” “Iyo, aram ko,” an simbag ni Eliseo. “Alagad mag-alo sana kamo.”

2 Mga Hade 4:1

Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

2 Mga Hade 5:22

“Mayo man,” an simbag ni Gehazi. “Alagad sinugo ako kan sakong kagurangnan tanganing taraman ka na nag-abot pa sana an duwang kaayon sa grupo nin mga propeta hale sa mabulod na daga nin Efraim. Boot niya na tawan mo sinda nin tolong ribong pedaso nin plata asin duwang magayon na gubing.”

2 Mga Hade 6:1

Sarong aldaw, nagsabi ki Eliseo an sarong grupo nin mga propeta, “Sadit nang marahay an lugar na pinag-eerokan nyato!

2 Mga Hade 9:1

Inapod ni Eliseo an saro kan mga hoben na propeta asin sinabihan, “Mag-andam ka asin magduman ka sa Ramot-gilead. Darahon mo ining sarong dulay na lana nin oliba.

Parahulit 3:7

panahon nin paggisi, dangan panahon nin pagtahi; panahon nin pag-alo, dangan panahon nin pagtaram;

Isaias 41:1

Nagsabi an Dios, “Pag-alo kamo asin pagdangog sako, kamo na mga harayong daga! Mag-andam kamo sa pagdara kan saindong kaso sa hukoman; tatawan kamo nin panahon na magtaram. Magtiripon kita tanganing maaraman ta kun siisay an tama.

Amos 7:14

Nagsimbag si Amos, “Bako ako an propeta na nagpopropesiya huli sa bayad. Saro akong pastor nin mga hayop, asin nag-aataman ako nin mga kahoy na higera.

Habakkuk 2:20

An Kagurangnan nasa banal niyang Templo; mag-alo an gabos sa atubangan niya.

Lukas 24:51

Mantang benebendisyonan niya sinda, naghale siya asin dinara sa langit.

Mga Gibo 1:11

na nagsabi, “Mga taga Galilea, ano ta nagtitindog kamo digdi na nakatingkalag sa langit? An Jesus na ini, na kinua saindo asin isinakat sa langit, mabalik arog kan nahiling nindong pag-itaas niya.”

Mga Gibo 1:2

sagkod na isinakat siya sa langit. Bago siya isinakat sa langit, an mga apostol na saiyang pinili hinulitan niya sa paagi kan Espiritu Santo.

Mga Gibo 26:25

Alagad sinimbag siya ni Pablo, “Bako akong bua ginagalangan na Festo. An itinataram ko iyo an malinaw na katotoohan.

1 Samuel 10:5

Dangan magduman ka sa Bulod nin Dios sa Gibea, sa pinagkakampohan kan mga Filisteo. Sa paglaog mo sa banwa, masasabat mo an sarong grupo nin mga propeta na naglulugsot hale sa altar na nasa bulod, na nagtutugtog nin arpa, tamborin, plawta, saka lira asin nagpopropesiya.