2 Mga Hade 2:4 - Marahay na Bareta Biblia

⁴ Dangan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Jerico.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sinda sa Jerico.

2 Mga Hade 2:4 ပူးပေါင်းရင်းမြစ်များ

1 Mga Hade 16:34

Kan panahon ni Ahab, an Jerico pinatindog giraray ni Hiel na taga Betel. Sosog sa sinabi nin Kagurangnan sa paagi ni Josue na aking lalaki ni Nun, nagadan an mga aking lalaki ni Hiel: an matua niyang aking lalaki na si Abiram nagadan kan ibugtak niya an pundasyon kan Jerico, asin an saiyang ngohod na aking lalaki na si Segub kan patindogon niya an mga trangkahan.

2 Mga Hade 2:2

asin sa dalan nagsabi si Elias ki Eliseo, “Magpawalat ka digdi, huli ta pinagbotan ako nin Kagurangnan na magduman sa Betel.” Alagad nagsimbag si Eliseo, “Minasumpa ako huli sa sakong kaimbodan sa buhay na Kagurangnan asin sa saimo, na dai taka babayaan.” Kaya nagpadagos sindang duwa sa Betel.

2 Mga Hade 4:30

Alagad nagsabi an ina kan aki, “Minasumpa ako sa ngaran kan buhay na Kagurangnan asin sa saimo na dai taka babayaan!” Kaya nagtindog si Eliseo asin nag-iba sa babae.

Lukas 19:1

Naglaog si Jesus sa Jerico dangan naglakaw paluwas.

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.

Mga Gibo 2:42

Maimbod sinda sa pag-adal kan mga katukdoan kan mga apostol; nakisumaro sinda sa pagtiripon, sa pagbaak kan tinapay asin sa pagpamibi.

Josue 6:1

Danay na serado asin may bantay an mga trangkahan nin Jerico tanganing dai makalaog an mga Israelita. Mayo nin nakakalaog o nakakaluwas sa syudad.

Josue 6:26

Sa panahon na ini, nagtao si Josue nin sarong patanid: “Mamaldisyonon nin Kagurangnan an siisay man na magpatindog giraray kan syudad nin Jerico. Magagadan an matuang aking lalaki kan siisay man na magbugtak kan pundasyon kan syudad; Magagadan an ngohod na aking lalaki kan siisay man na magpatindog kan mga trangkahan kaiyan.”

Ruth 1:16

Alagad nagsimbag si Ruth, “Dai mo ako pagsabihan na bayaan taka; tugote akong umiba saimo. Saen ka man magduman, maduman ako; saen ka man mag-erok, duman ako maerok. An saimong banwaan magigin banwaan ko, asin an saimong Dios magigin sakuyang Dios.

1 Samuel 1:26

Sinabihan ni Hanna si Eli, “Kun saimong nagigiromdoman, ako idtong babae na nahiling mong nagtitindog digdi na namimibi sa Kagurangnan.