2 Mga Hade 2:24 - Marahay na Bareta Biblia

²⁴ Nagsalingoy si Eliseo asin kan mahiling niya sinda, minaldisyon niya sinda sa ngaran nin Kagurangnan. Dangan luminuwas hale sa kakahoyan an duwang babaeng oso saka ginaradan an kwarenta y dos sa mga aking lalaki.

2 Mga Hade 2:24 ပူးပေါင်းရင်းမြစ်များ

Genesis 9:25

nagsabi siya, “Sumpaon si Canaan! Siya an magigin oripon kan saiyang mga tugang.

2 Samuel 17:8

Ika an nakakaaram na an saimong ama asin an saiyang mga tawohan mga maiisog na lalaki; siring sinda kaisog sa sarong ina nin mga oso na hinabonan nin saiyang mga ogbon duman sa oma. Paralaban an saimong ama asin dai nakikisumaro sa saiyang mga tawohan pagkabanggi.

1 Mga Hade 13:24

Naghale na siya, asin sa dalan sinabat siya saka ginadan nin sarong leon. Nakatapok sa dalan an saiyang bangkay asin nagtindog sa kataed kaini an asno saka an leon.

1 Mga Hade 19:17

An makadulag sa espada ni Hazael gagadanon ni Jehu; an makadulag sa espada ni Jehu gagadanon ni Eliseo.

1 Mga Hade 20:36

kaya nagsabi an propeta, “Huli ta sinuhay mo an pagboot nin Kagurangnan, paghale mo digdi gagadanon ka nin sarong leon.” Pakahale kan propeta, sinabat siya nin sarong leon asin ginadan siya.

2 Mga Hade 2:25

Hale duman nagpadagos si Eliseo pasiring sa Bukid nin Carmelo, dangan nagbalik sa Samaria.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Mga Talinhaga 17:12

Marahay pang magsabat sa babaeng oso na inagawan kan saiyang mga ogbon, ki sa sarong lolong sa saiyang kalolongan.

Mga Talinhaga 19:29

Inandam na an padusa para sa mga paraolog-olog, asin an pamakol para sa mga lolong.

Mga Talinhaga 28:15

Arog sa nag-uungal na leon o sa nagugutom na oso an hade na maringis sa mga dukha.

Jeremias 28:16

Kaya nagsasabi mismo an Kagurangnan na hahaleon ka niya sa ibabaw kan daga. Sa taon na ini magagadan ka huli ta tinaraman mo an mga tawo na magrebelde sa Kagurangnan.”

Mga Panambitan 3:65

Maldisyonon mo sinda asin halean nin paglaom!

Oseas 13:8

Sasalakayon ko kamo siring sa sarong oso na nawaraan kan saiyang mga ogbon, saka roronoton ko an saindong mga daghan. Siring sa sarong leon, kakakanon ko kamo, asin pepedasohon arog sa pagpedaso kan sarong lalaw na hayop.

Levitico 26:22

Papadarahan ko kamo nin mga maringis na hayop na magadan kan saindong kaakian, asin makakan kan saindong mga ataman na hayop tanganing kadikit na sana an matada saindo kaya mayo na nin maglalakaw sa saindong mga dalan.

Amos 7:17

Amazias, sinasabihan ka nin Kagurangnan, ‘An saimong agom magigin sarong maraot na babae sa mga tinampo asin magagadan sa gera an saimong kaakian. Pagbabarangaon kan iba an saimong daga asin magagadan ka sa sarong paganong daga. Dangan itatapok an banwaan nin Israel harayo sa saindang daga.’”

Markos 11:14

Sinabihan niya an kahoy na higera, “Sagkod pa man mayo nin makakan kan bunga mo!” Nadangog ini kan mga disipulo.

Markos 11:21

Naromdoman ni Pedro an nangyari asin nagsabi ki Jesus, “Maestro, hilinga ta alang na an higerang minaldisyon mo!”

Mga Gibo 5:5

Pakadangog kaini ni Ananias, natumba siya asin nagadan. Natakot nin makuri an gabos na nakadangog kan nangyaring ini.

Mga Gibo 5:9

Dangan sinabihan siya ni Pedro, “Tadaw ta boot nindong baloon an Espiritu nin Kagurangnan? Yaon na ngunyan sa may pintoan an mga lalaking naglubong kan agom mo; sinda man an mabulig saimo!”

Mga Gibo 8:20

Alagad sinimbag siya ni Pedro, “Matunaw ka man logod kaiba kan kwarta mo, huli ta naghohona ka na mababakal mo an regalo nin Dios!

2 Corinto 10:6

Kun ikapahiling na nindo an saindong pagkuyog, andam kami na padusahan an anoman na dai pagkuyog.

Hukom 9:20

Alagad kun bako, tutongon logod kan kalayo ni Abimelec an mga lalaki nin Shekem asin Bet-millo; asin tutongon logod si Abimelec kan kalayo kan mga lalaki nin Shekem asin Bet-millo.”

Hukom 9:57

Ginibo man nin Dios na magtios an mga taga Shekem huli kan saindang karatan, siring sa maldisyon ni Jotam, na aking lalaki ni Gideon.