2 Mga Hade 2:15 - Marahay na Bareta Biblia

¹⁵ Kan mahiling ini kan mga propetang taga Jerico, nagsabi sinda, “An kapangyarihan ni Elias yaon na ki Eliseo!” Nagdolok sinda sa pagsabat ki Eliseo asin nagdarapa sa saiyang atubang.

2 Mga Hade 2:15 ပူးပေါင်းရင်းမြစ်များ

1 Mga Hade 19:16

lahidan mo si Jehu na aking lalaki ni Nimsi bilang hade nin Israel, asin lahidan mo si Eliseo na aking lalaki ni Safat na taga Abel-mehola bilang propeta na masalihid saimo.

1 Mga Hade 20:35

Sa pagboot nin Kagurangnan, saro sa mga kaayon sa grupo nin mga propeta an nagsugo sa sarong kapwa propeta na suntokon siya. Alagad nagsayuma an sinugo,

2 Mga Hade 2:19

Nagduman ki Eliseo an nagkapirang taga Jerico asin nagsabi, “Siring kan saimong nahihiling, magayon an syudad na ini, alagad maati an tubig digdi, asin nagigin dahelan tanganing makuahan an sarong bados.

2 Mga Hade 2:7

asin singkwenta kan mga propeta an nagsunod sainda pasiring sa Jordan. Nag-ontok si Elias saka si Eliseo sa tampi kan salog, asin nagtindog sa horoharayo an singkwentang propeta.

2 Mga Hade 4:37

Nagdolok saka nagduko an babae sa pamitisan ni Eliseo. Pakatapos kinua niya an saiyang aki saka naghale.

2 Mga Hade 5:22

“Mayo man,” an simbag ni Gehazi. “Alagad sinugo ako kan sakong kagurangnan tanganing taraman ka na nag-abot pa sana an duwang kaayon sa grupo nin mga propeta hale sa mabulod na daga nin Efraim. Boot niya na tawan mo sinda nin tolong ribong pedaso nin plata asin duwang magayon na gubing.”

2 Mga Hade 9:1

Inapod ni Eliseo an saro kan mga hoben na propeta asin sinabihan, “Mag-andam ka asin magduman ka sa Ramot-gilead. Darahon mo ining sarong dulay na lana nin oliba.

Isaias 11:2

An espiritu nin Kagurangnan maontok sa saiya, an espiritu nin kadonongan saka pakasabot, an espiritu nin hatol saka kosog, an espiritu nin pakaaram asin nin pagkatakot sa Kagurangnan.

Isaias 59:21

Makikipagtipan ako saindo: Itinao ko saindo an sakong kapangyarihan saka mga katukdoan tanganing magin sadiri nindo sagkod lamang. Magpoon ngunyan, susunodon nindo ako asin tutukdoan nindo an saindong kaakian saka kapagarakian na sunodon ako sagkod pa man.”

Amos 7:14

Nagsimbag si Amos, “Bako ako an propeta na nagpopropesiya huli sa bayad. Saro akong pastor nin mga hayop, asin nag-aataman ako nin mga kahoy na higera.

Mga Bilang 27:20

Itao mo saiya an iba mong kapangyarihan tanganing magkuyog saiya an bilog na komunidad nin Israel.

Mga Gibo 1:8

Alagad maako kamo nin kapangyarihan pag-abot saindo kan Espiritu Santo asin kamo magigin mga saksi ko sa Jerusalem, sa bilog na Judea saka sa Samaria, sagkod sa mga poro kan kinaban.”

2 Corinto 12:9

Alagad an simbag niya iyo ini: “An sakong biyaya tama na para saimo; huli ta an sakong kapangyarihan orog na makosog kun ika maluya.” Kaya ikinakaogma kong maluya ako, tanganing mamatean ko an kapangyarihan sako ni Cristo.

Josue 3:7

Nagtaram an Kagurangnan ki Josue, “Huli sa gigibohon ko ngunyan, an mga Israelita mapoon sa pagmidbid saimo bilang dakulang tawo, asin maaaraman ninda na kaibahan mo ako siring na inibahan ko si Moises kaidto.

Josue 4:14

Huli sa ginibo nin Kagurangnan kan aldaw na idto, minidbid kan mga tawo si Josue bilang dakulang tawo. Iginalang siya ninda sa gabos na aldaw nin saiyang pagkabuhay siring na iginalang ninda si Moises.

1 Pedro 4:14

Kun kamo pag-olog-ologon huli ki Cristo, paladan kamo, huli ta nangangahulogan iyan na an mapangyaring Espiritu nin Dios nasa saindo.

1 Samuel 10:5

Dangan magduman ka sa Bulod nin Dios sa Gibea, sa pinagkakampohan kan mga Filisteo. Sa paglaog mo sa banwa, masasabat mo an sarong grupo nin mga propeta na naglulugsot hale sa altar na nasa bulod, na nagtutugtog nin arpa, tamborin, plawta, saka lira asin nagpopropesiya.