2 Mga Hade 2:1 - Marahay na Bareta Biblia

¹ Nag-abot an panahon tanganing kuahon nin Kagurangnan si Elias sa paagi nin aripuros. Naghale sa Gilgal si Elias saka si Eliseo,

2 Mga Hade 2:1 ပူးပေါင်းရင်းမြစ်များ

Genesis 5:24

Naglakaw si Enoc sa kaibahan nin Dios dangan nawara siya, huli ta kinua siya nin Dios.

1 Mga Hade 18:12

Paano kun pakahale ko, darahon ka tolos kan espiritu nin Kagurangnan sa sarong lugar na dai ko aram? Dangan kun sabihan ko si Ahab na uya ka saka dai ka makua, gagadanon niya ako maski igwa ako nin pagkatakot sa Kagurangnan poon kan ako aki pa.

1 Mga Hade 19:11

Nagtaram an Kagurangnan, “Luwas asin tindog sa alitoktok kan bukid sa atubangan ko.” Dangan nag-agi an Kagurangnan asin sarong makosog na doros an nagbanga kan kabukidan asin nagparasa kan kagapoan, alagad mayo sa doros an Kagurangnan. Nag-ontok sa paghuyop an doros, dangan nagkaigwa nin linog, alagad mayo sa linog an Kagurangnan.

1 Mga Hade 19:4

dangan bilog na aldaw siyang naglakaw pasiring sa kalangtadan. Nag-ontok siya sa sarong kahoy, nagtukaw sa sirong kaini saka nagmawot na magadan. “Tama na Kagurangnan,” an pamibi niya. “Kuahon mo na ako; mas marahay pa sako an magadan!”

2 Mga Hade 1:18

An iba pang ginibo ni Ahazias gabos nasusurat sa An Kasaysayan kan mga Hade nin Israel.

2 Mga Hade 2:11

Padagos sindang nag-oolay mantang naglalakaw. Dangan biglang nagpatahaw sainda an sarong karwahe na kalayo na guyod nin mga kabayong kalayo, asin isinakat si Elias sa langit sa paagi nin aripuros.

2 Mga Hade 4:38

Kan magkaigwa kaidto nin makuring gutom sa Gilgal, nagbalik duman si Eliseo. Mantang tinutukdoan niya an sarong grupo nin mga propeta, nagsabi siya sa saiyang sorogoon, “Isapna mo an dakulang koron asin iluto mo nin kakanon an mga propetang ini.”

An Libro ni Job 38:1

Dangan hale sa sarong makosog na doros sinimbag nin Kagurangnan si Job:

Lukas 9:51

Kan madali na an panahon nin pagsakat ki Jesus sa langit, nag-isip siyang magduman sa Jerusalem.

Mga Gibo 1:9

Pakataram niya kaini, isinakat siya sa langit mantang naghihiling sinda saiya; dangan nalipodan siya nin panganoron.

Hebreyo 11:5

Huli sa pagtubod, dai nagadan si Enoc, kundi isinakat sa langit asin dai nakua nin siisay man, huli ta kinua siya nin Dios. An kasuratan nagsasabi na bago isinakat sa langit si Enoc, napaogma niya an Dios.

Josue 4:19

Nagbalyo sa Jordan an mga tawo kan ikasampolong aldaw kan enot na bulan, asin nagkampo sinda sa Gilgal, sa sirangan nin Jerico.

Josue 5:9

Nagtaram an Kagurangnan ki Josue, “Ngunyan hinale ko na sa saindo an kasosopgan kan pagigin oripon sa Egipto.” Kaya an lugar nginaranan Gilgal, na iyo an ngaran kaini sagkod ngunyan.

Kapahayagan 11:12

Nakadangog an duwang propeta nin makosog na tingog hale sa langit na nagsabi sainda, “Sakat kamo digdi!” Mantang naghihiling an saindang mga kaiwal, nagsakat sa langit an duwang propeta na nakalunad sa sarong panganoron.