2 Mga Hade 19:7 - Marahay na Bareta Biblia

⁷ Gigibohon nin Kagurangnan na makadangog an hade nin Asiria nin sarong huringhuding tanganing magbalik siya sa saiyang banwaan, asin duman magadan.”

2 Mga Hade 19:7 ပူးပေါင်းရင်းမြစ်များ

2 Mga Hade 19:28

Huli kan kaanggotan mong iyan tumang sako, asin kan kapaabaw-abawan na nakaabot sa sakong pandangog, ibubugtak ko an sarong kawit sa saimong dungo asin an sarong busal sa saimong ngoso, dangan pababalikon taka sa dalan na saimong hinalean.”

2 Mga Hade 19:33

Mabalik siya sa hinalean niya na an aagihan iyo an dalan na inagihan niya pasiring digdi; dai siya makakalaog sa syudad na ini. Ako, an Kagurangnan, iyo an nagtaram.

2 Mga Hade 7:6

Huli ta ginibo nin Kagurangnan na madangog kan mga Siro an ribok nin dakulang hukbo, nin mga kabayo asin karwahe. Naghona an mga Siro na tinandanan kan hade nin Israel an mga hadeng Heteo saka Egipcio tanganing salakayon sinda.

2 Mga Cronica 32:21

An Kagurangnan nagsugo nin sarong anghel na guminadan kan gabos na soldados saka mga opisyal kan hukbo kan emperador nin Asiria. Kaya sa kasopogan nagbalik ini sa saiyang daga. Dangan kan magduman siya sa templo kan saiyang dios, binuno siya sagkod na magadan kan nagkapira niyang aking lalaki.

An Libro ni Job 15:21

Makangirhat na mga tingog an saiyang madadangog; masalakay an mga tulisan sa oras na iniisip niyang ligtas.

An Libro ni Job 4:9

Huli sa hinangos nin Dios nagagadan sinda; sa kosog kan saiyang kaanggotan natutunaw sinda.

Salmo 11:6

Pinapauranan niya nin nagkakalayong mga baga saka asupre an mga maraot; pinapadusahan niya sinda nin nakakapasong doros.

Salmo 50:3

Nagdadangadang an samong Dios, dai nag-aalo; sa atubangan niya, nanghahalon na kalayo; sa palibot niya, sarong makosog na bagyo.

Salmo 94:23

Papadusahan niya sinda huli kan saindang karatan, tutunawon niya sinda huli kan saindang mga kasalan; gagadanon sinda nin Kagurangnan na satuyang Dios.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Jeremias 49:14

Nagsabi ako, “Edom, nag-abot sako an sarong mensahe hale sa Kagurangnan. Pinaduman niya sa mga nasyon an sarong sugo tanganing magsabi sainda na tiponon an saindang mga soldados saka mag-andam sa pagsalakay saimo.

Jeremias 51:1

Nagsasabi an Kagurangnan, “Mapadara ako nin sarong espiritu na maraot kan Babilonia asin kan mga nag-eerok diyan.

Jeremias 51:46

Dai kamo mawaraan nin kosog nin boot ni matakot huli kan mga bareta na saindong nadadangog. Lambang taon ibang bareta an minaabot—bareta nin kadahasan sa daga asin nin pag-iriwal kan mga hade.

Obadias 1:1

Iyo ini an propesiya ni Obadias—an itinaram nin Kagurangnan Dios manongod sa nasyon nin Edom. Ipinadara nin Kagurangnan an saiyang sugo sa mga nasyon, asin nadangog mi an saiyang mensahe: “Pag-andam! Makigera kita sa Edom!”