2 Mga Hade 19:34 - Marahay na Bareta Biblia

³⁴ Susurogon ko an syudad na ini asin iingatan, huli sa sadiri kong kaomawan asin huli sa panuga na ginibo ko ki David na sakong sorogoon.’”

2 Mga Hade 19:34 ပူးပေါင်းရင်းမြစ်များ

1 Mga Hade 15:4

Alagad huli ki David, tinawan siya nin Kagurangnan, na saiyang Dios, nin aking lalaki na masalihid saiya sa paghade sa Jerusalem asin tanganing danay na mapapusog an Jerusalem.

2 Mga Hade 20:6

Tutugotan takang mabuhay pa sa laog nin kinseng taon. Ililigtas taka asin an syudad nin Jerusalem sa emperador nin Asiria. Susurogon ko an syudad na ini huli na sana kan sakong onra asin huli ki David na sakong sorogoon.’”

2 Mga Hade 8:19

Alagad habong tunawon nin Kagurangnan an Juda huli kan tipan na ginibo niya ki David asin huli kan panuga niya na magdadanay sa paghahade an kapagarakian.

Isaias 31:5

Siring na an sarong gamgam naglalayog sa tangod kan saiyang salagan nganing ingatan an saiyang mga siwo, siring man ako, an Kagurangnan nin mga hukbo, an maingat sa Jerusalem asin masurog kaiyan.”

Isaias 38:6

Ililigtas taka asin an syudad nin Jerusalem sa emperador nin Asiria, patin susurogon ko an syudad na ini.”

Isaias 43:25

Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Isaias 48:11

Huli sa sako man sana, ginigibo ko iyan— dai ko itutugot na pagbasang-basangon an sakong ngaran o na may makihiras kan sakong kamurawayan, na para sa sako nanggad sana asin bakong sa kiisay pa man.”

Isaias 48:9

“Huli sa sakong ngaran pinugol ko an sakong kaanggotan, huli sa sakong kaomawan pinugol ko iyan para saindo; pinugol ko iyan tanganing dai ko kamo mapuho.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 33:21

Sa siring na paagi, nakipagtipan ako sa sakong sorogoon na si David na danay siyang magkakaigwa nin kapagarakian na matukaw bilang hade, saka nakipagtipan ako sa mga padi na hale sa tribu ni Levi na danay sindang maglilingkod sako, asin an mga tipan na iyan dai nanggad mababago.

Jeremias 33:26

Siring na ginibo ko nanggad ini, siring man papadanayon ko an sakong tipan sa mga kapagarakian ni Jacob asin ni David na sakong sorogoon. Pipilion ko an saro sa mga kapagarakian ni David tanganing paghadean an mga kapagarakian ni Abraham, Isaac, asin ni Jacob. Maheherakan ko an sakong banwaan saka papauswagon ko giraray sinda.”

Ezekiel 36:22

“Kaya sabihan mo an mga Israelita na ini an itinataram ko, an Kagurangnan Dios: Banwaan nin Israel, an gigibohon ko bakong huli sa saindo, kundi huli sa banal kong ngaran na dinigtaan nindo sa lambang nasyon na dinumanan nindo.

Oseas 1:7

Alagad mamomotan ko an mga taga Juda. Ako, an Kagurangnan na saindang Dios, an maligtas sainda, bakong sa paagi nin gera—o sa espada, pana saka bosog o sa mga kabayo asin mga parakabayo.”

Zacarias 9:8

Babantayan ko an sakong daga asin dai ako matugot na pag-agihan iyan nin mga soldados. Dai na ako matugot na apihon giraray an sakong banwaan, huli ta nahiling ko kun paano sinda nagtios.”

Efeso 1:14

An Espiritu Santo iyo an sangra kan satong pamana sagkod na makamtan nyato iyan, sa kaomawan nin saiyang kamurawayan!

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Deuteronomio 32:27

Alagad dai ko matutugotan na magpaabaw-abaw an saindang mga kaiwal sa pagsabing sinda an guminadan sa sakong banwaan, mantang ako an kaggibo kaiyan.’