2 Mga Hade 19:23 - Marahay na Bareta Biblia

²³ Ipinadara mo an saimong mga sugo tanganing maghambog sako na huli kan kadakul mong karwahe nasakop mo an haralangkaw na kabukidan nin Lebanon. Naghambog ka na pinalod mo duman an pinakahalangkaw na mga sedro dangan an pinakamarahay na mga sipres asin naabot mo an pinakapusod kan kadlagan.

2 Mga Hade 19:23 ပူးပေါင်းရင်းမြစ်များ

2 Mga Hade 18:17

Huli kaini an Tartan, an Rabsaris asin an Rabsake kaiba an dakulang hukbo, sinugo kan emperador nin Asiria ki Ezekias duman sa Jerusalem. Pag-abot ninda sa Jerusalem, nagtindog sinda sa may kali na pinagbubulosan kan tubig hale sa itaas na sapa, sa dalan saen nagtatrabaho an mga paragibo nin tela.

2 Mga Hade 18:23

Inaagyat ko siya sa ngaran kan emperador: tatawan ko siya nin duwang ribong kabayo kun makakakua siya nin siring kadakul na lalaki na malunad diyan!

2 Mga Hade 19:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

2 Mga Cronica 26:10

Nagtugdok pa siya nin mga tore sa kalangtadan asin nagkalot nin dakul na bubon huli ta dakul an saiyang mga baka duman sa Sefela asin sa kapatagan. Huli ta namotan niya an pag-oma, sinadol niya an mga tawo na magtanom nin mga ubas sa kabubuldan asin magtrabaho sa matubang na daga.

2 Mga Cronica 32:17

Naggibo si Senakerib nin mga surat na naglalanghad sa Kagurangnan, an Dios nin Israel. Ini an laog kan surat, “Siring sa mga dios kan mga nasyon sa daga na dai ikinaligtas sa sakong mga kamot an saindang mga banwaan, an dios ni Ezekias dai man makakaligtas kan saiyang banwaan sa sakong mga kamot.”

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Salmo 20:8

Luluyahon sinda asin matutumba, alagad mabangon kami asin pusog na matindog.

Isaias 10:13

Huli ta nagsasabi an emperador nin Asiria, “Nagibo ko iyan huli ta ako makosog, madonong asin tuso. Hinale ko an mga pagdolonan nin mga nasyon asin kinua ko an mga pagkakan na saindang sinaray. Arog sa sarong toro, tinimaktimakan ko an mga tawong nag-eerok duman.

Isaias 10:14

An mga nasyon sa kinaban arog sa salagan nin gamgam; madali kong natipon an saindang kayamanan siring sa pagtipon nin mga sugok. Mayo nin sarong pakpak na naghiro tanganing takoton ako; mayo ni sarong tuka na nagbuka tanganing kurahawan ako!”

Isaias 10:18

Magkakawarara an matabang mga kadlagan asin kaomahan, siring na an sarong mangirhat na helang minagadan sa tawo.

Daniel 8:11

Maski an Prinsipe kan langitnon na hukbo dai kaiyan ginalangan. Pinaontok kaiyan an aroaldaw na atang na idinolot sa Prinsipe, asin ginaba an Templo.