2 Mga Hade 19:1 - Marahay na Bareta Biblia

¹ Kan madangog ini ni Hadeng Ezekias, ginisi niya an saiyang gubing, nagsulot siya nin sako, asin nagduman sa Templo nin Kagurangnan.

2 Mga Hade 19:1 ပူးပေါင်းရင်းမြစ်များ

Genesis 37:34

Dangan ginisi ni Jacob an saiyang gubing sa kamondoan asin nagsulot siya nin sako; haloy niyang pinagmondoan an kagadanan kan saiyang aki.

1 Mga Hade 21:27

Kan madangog ni Ahab an mga sinabi ni Elias, ginisi niya an saiyang gubing saka nagsulot nin sako. Nag-ayuno siya, nagkatorog na sulot an sako asin naglakaw na mamondo nin makuri.

1 Mga Hade 21:29

“Nahiling mo kun paano nagpakumbaba sa atubang ko si Ahab? Huli ta nagpakumbaba siya sa atubang ko, dai ko siya papadarahan nin karatan mantang nabubuhay siya; ipapadara ko an karatan sa panahon kan saiyang aking lalaki.

2 Mga Hade 18:37

Dangan ginisi ni Eliakim, ni Sebna, asin ni Joa an saindang mga gubing sa kamondoan; asin nagduman sa hade. Ibinareta niya saiya an itinaram kan opisyal nin Asiria.

2 Mga Hade 5:7

Kan mabasa kan hade nin Israel an surat, ginisi niya an saiyang gubing huli sa dakulang takot dangan nagsabi, “Tano ta pinaglalaoman ako kan hade nin Siria na bolongon an lalaking ini? Ano Dios ako na igwa nin kapangyarihan sa buhay asin sa kagadanan? Malinaw na naghahanap siya nin dahelan tanganing iwalon ako!”

2 Mga Hade 6:30

Kan madangog ini kan hade, ginisi niya an saiyang gubing. Naglalakaw siya kaidto sa gilid kan kudal, asin kan maghiling an mga tawo, nahiling ninda na nakasulot siya nin sako sa irarom kan saiyang gubing.

Esdras 9:3

Kan madangog ko ini, ginisi ko an sakong gubing saka alikboy, rinabnot an sakong buhok saka barabas, asin mamondo akong nagtukaw.

Salmo 35:13

Alagad kan sinda naghelang, ako nagmondo; nagsakripisyo ako huli sa pag-ayuno; namibi na duko an sakuyang payo,

Isaias 37:37

Dangan nagsibog si Senakerib na emperador nin Asiria asin nagbalik sa Nineve.

Jeremias 36:24

Alagad dai lamang natakot o nagpahiling nin anoman na tanda nin pagmondo an hade, ni an siisay man sa mga opisyal niya.

Jonas 3:5

Nagtubod sa mensahe nin Dios an mga taga Nineve. Kaya nagkasararo sinda na mag-ayuno, asin an gabos naggubing nin sako sa pagpahiling kan saindang pagsolsol.

Jonas 3:8

An gabos na tawo saka hayop dapat na magsulot nin sako. An lambang saro kaipuhan maigot na magpamibi sa Dios, asin talikodan an saiyang maraot na ugale saka maraot na mga gawe.

Mateo 11:21

Nagsabi siya, “Herak man saimo, Corazin! Herak man saimo, Betsaida! Huli ta kun an mga milagrong ginibo diyan saindo ginibo sa Tiro saka sa Sidon, haloy na kutanang nagsulot nin sako asin nagtukaw sa abo an mga tawo duman sa pagpahiling na sinda nagbakle.

Mateo 26:65

Pakadangog kaini kan Halangkaw na Padi, ginisi niya an sulot niyang gubing asin nagsabi, “An tawong ini naglanghad sa Dios! Dai na kita nangangaipo nin mga saksi! Nadangog nindo ngunyan an saiyang paglanghad!

Kapahayagan 11:3

An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”

1 Samuel 4:12

Sarong lalaki na gikan sa tribu ni Benjamin an nagdalagan hale sa lugar nin ralaban asin nakaabot sa Shilo kan aldaw man sanang idto. Ginirisi niya an saiyang gubing asin binugtakan nin daga an saiyang payo sa pagpahiling kan saiyang kamondoan.