2 Mga Hade 18:8 - Marahay na Bareta Biblia

⁸ Nadaog niya an mga Filisteo dangan sinalakay niya an mga erokan ninda, magpoon sa pinakasadit na baryo sagkod sa pinakadakulang syudad, kaiba an Gaza saka an teritoryo sa palibot kaini.

2 Mga Hade 18:8 ပူးပေါင်းရင်းမြစ်များ

1 Mga Hade 5:4

Alagad ngunyan tinawan ako nin Kagurangnan na sakong Dios nin katoninongan sa gabos kong pagdolonan. Mayo na ako nin kaiwal asin mayo nang paghandal na tibaad salakayon.

2 Mga Hade 17:9

Hilom na ginibo kan mga Israelita an mga bagay na bakong matanos. Nagtugdok sinda nin paganong mga lugar na pagsasambahan sa gabos nindang banwa, magpoon sa pinakasadit na baryo sagkod sa pinakadakulang syudad.

1 Mga Cronica 4:41

Kan panahon ni Hadeng Ezekias nin Juda, nagduman sa Gedor an mga lalaking ini, asin ginaba an mga tolda kan mga nag-eerok duman. Pinahale ninda an mga tawo asin nag-erok sa lugar kan mga ini, huli ta igwa duman nin marahay na dagang pasabsaban kan saindang mga hayop.

2 Mga Cronica 26:10

Nagtugdok pa siya nin mga tore sa kalangtadan asin nagkalot nin dakul na bubon huli ta dakul an saiyang mga baka duman sa Sefela asin sa kapatagan. Huli ta namotan niya an pag-oma, sinadol niya an mga tawo na magtanom nin mga ubas sa kabubuldan asin magtrabaho sa matubang na daga.

2 Mga Cronica 28:18

Kan panahon man na iyan, sinalakay kan mga Filisteo an mga syudad sa Sefela asin sa habagat na parte nin Juda. Nasakop ninda an mga syudad nin Bet-semes, Aijalon asin Gederot, siring man an mga syudad nin Soco, Timna, saka Gimzo kaiba an mga baryo kan mga ini, dangan duman na sinda nag-erok.

Isaias 14:29

Mga Filisteo, dai kamo mag-ogma huli ta nabari an sugkod na panhampak saindo. Huli ta kun nagagadan an sarong halas, may sarong rimoranon na minasalihid kaiyan. An sugok nin sarong halas nahihimsa na sarong dragon.

Isaias 5:2

Kinalot niya an daga asin hinale an mga gapo, dangan tinanoman nin mga piling balagon. Nagpatindog siya nin sarong bantayan sa tahaw kaiyan, asin naggibo nin kalot na pagpupugaan kan mga ubas. Naghalat siyang maghinog an mga ubas alagad kan ini mahinog, maalsom an lambang saro.

Deuteronomio 2:23

An nag-erok kaidto sa baybayon kan Mediteraneo sagkod sa Gaza iyo an mga Avvim; pinahale sinda kan mga taga Creta, na iyo an nag-erok sa lugar ninda.)

Josue 15:47

Kairiba man an Asdod saka Gaza, dangan an mga banwa asin an mga baryo na abot sa sapa na nasa pagdolonan kan Egipto sagkod sa baybayon kan dagat nin Mediteraneo.