2 Mga Hade 18:7 - Marahay na Bareta Biblia

⁷ Kaya inibahan siya nin Kagurangnan asin nag-uswag siya sa gabos niyang gibo. Nagrebelde si Ezekias laban sa hade nin Asiria asin habo na siyang maglingkod saiya.

2 Mga Hade 18:7 ပူးပေါင်းရင်းမြစ်များ

Genesis 21:22

Kaidtong panahon, si Abimelek asin an pamayo kan saiyang hukbo na si Ficol nagsabi ki Abraham, “Kaiba mo an Dios sa gabos mong gibo.

2 Samuel 8:14

Nagpatindog siya nin mga kampo nin mga soldados sa Edom, asin nagin sorogoon niya an mga tawo duman. Pinapanggana nin Kagurangnan si David saen man siya magduman.

2 Samuel 8:6

Dangan nagpatindog si David nin mga kampo nin mga soldados sa Damasco; nagin sorogoon niya an mga Siro asin nagbuhis sinda saiya. Pinapanggana nin Kagurangnan si David saen man siya magduman.

2 Mga Hade 16:7

Nagsugo si Ahaz nin mga tawohan ki Tiglat-pileser, an emperador nin Asiria; ini an ipinasabi niya: “Ako an maimbod mong sorogoon. Magdigdi ka asin iligtas mo ako sa hade nin Siria asin sa hade nin Israel, na nagsasalakay sako.”

2 Mga Hade 17:3

Nakigera si Salmaneser na emperador nin Asiria laban ki Hosea; nagsuko si Hosea ki Salmaneser asin nagbuhis saiya taon-taon.

2 Mga Hade 18:14

Nagpadara si Ezekias nin mensahe ki Senakerib, na yaon sa Lakis: “Nagkasala ako; ontokon mo an pagsalakay, asin itatao ko an anoman na hagadon mo.” Kaya hinagadan siya kan emperador nin Asiria nin dyes mil na kilo nin plata asin sangribong kilong bulawan.

2 Mga Hade 18:20

Naghohona siya na an mga tataramon makakasalihid sa kakayahan asin kapangyarihan nin hukbo? Siisay an sinasarigan niya kaya nagrebelde siya sa emperador nin Asiria?

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 31:21

Nagin mauswag siya huli ta an gabos na ginibo niya para sa Templo o sa pag-otob kan Katogonan, ginibo niya sa bilog niyang puso.

2 Mga Cronica 32:30

An Ezekias na ini iyo an nagsulat kan agihan nin tubig na hale sa Burabod nin Gihon dangan pinabulos niya an tubig pasiring sa solnopan na parte kan Syudad ni David. Nagin mauswag si Ezekias sa gabos niyang gibo.

Salmo 1:3

Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 60:12

Kun kaiba nyato an Dios, kita manggagana; siya an maronot kan mga kaiwal ta.

Isaias 33:6

asin papakosogon niya an nasyon. Danay niyang sinusurog an saiyang banwaan asin tinatawan niya sinda nin kadonongan saka pakasabot. An pagkatakot sa Kagurangnan iyo an pinakamahalaga nindang kayamanan.

Isaias 36:5

Naghohona siya na an mga tataramon makakasalihid sa kakayahan asin kapangyarihan nin hukbo? Siisay an sinasarigan niya kaya nagrerebelde siya sa emperador nin Asiria?

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

1 Samuel 18:14

asin nagin mapanggana siya sa gabos niyang gibo, huli ta kaiba niya an Kagurangnan.

1 Samuel 18:5

Nagin mapanggana si David saen man na gera siya ipinadara ni Saul, kaya ginibo siyang opisyal ni Saul sa saiyang hukbo. Ikinaogma ini kan mga opisyal asin kan mga tawohan ni Saul.