2 Mga Hade 18:32 - Marahay na Bareta Biblia

³² sagkod na mag-abot an emperador asin darahon niya kamo sa sarong daga na arog kan sadiri nindong daga, sarong daga nin trigo saka arak, sarong daga nin tinapay saka mga ubasan, sarong daga nin mga kahoy nin oliba saka dugos tanganing mabuhay kamo asin dai magadan. Dai kamo maghinanyog ki Ezekias kun papag-isipon niya kamo na ililigtas kamo nin Kagurangnan.

2 Mga Hade 18:32 ပူးပေါင်းရင်းမြစ်များ

Genesis 49:11

An ogbon nin saiyang asno iginagakod niya sa poon nin ubas, Sa pinakamarahay na poon nin ubas. Linalabahan niya an saiyang gubing sa arak, an saiyang bado sa dugo nin ubas.

2 Mga Hade 17:23

sagkod na pinara sinda nin Kagurangnan sa saiyang panhiling, siring kan saiyang itinaram sa paagi kan gabos niyang propeta na saiyang mga sorogoon. Kaya itinapok an Israel sa Asiria, saen nag-eerok sinda sagkod ngunyan.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 18:11

An mga Israelita dinara sa Asiria kan emperador nin Asiria bilang mga bihag dangan pinaerok sa syudad nin Hala, asin sa harani kan Salog nin Habor sa distrito nin Gozan, saka sa mga syudad nin Media.

2 Mga Hade 19:10

tanganing sabihan, “An sinasarigan mong Dios nagtaram saimo na dai ka mahuhulog sa kamot ko. Dai ka magpadaya saiya.

2 Mga Hade 25:11

Binihag ni Nebuzaradan an mga tawong nawalat sa syudad, an natatadang ekspertong mga trabahador, asin an mga nag-apil sa hade nin Babilonia.

Salmo 3:3

Alagad ika, Kagurangnan, an sakong kalasag; sakuyang kamurawayan asin kagtao nin kosog.

Salmo 42:4

Ini gabos nagigiromdoman ko kun binubuksan ko an sakuyang puso, kan pinapangenotan ko an kadaklan, pasiring sa harong nin Dios, mantang maogmang nagkukurahaw saka nag-aawit nin pasasalamat— sarong katiriponan na nagseselebrar sa dakulang kaogmahan.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Isaias 36:17

sagkod na paerokon kamo kan emperador sa sarong daga na pareho kan saindong daga, saen igwa nin mga ubasan na nagtatao nin arak asin igwa nin trigo na magigibong tinapay.

Mga Bilang 14:8

Kun nawiwili sato an Kagurangnan dadarahon niya kita duman asin itatao niya sato an daga na mayaman sa gabos na bagay.

Deuteronomio 11:12

Sa bilog na taon, an Kagurangnan na saindong Dios an nag-aataman asin nagbabantay kan dagang iyan.