2 Mga Hade 18:27 - Marahay na Bareta Biblia

²⁷ Nagsimbag an opisyal, “Pinadigdi daw ako kan sakong emperador tanganing magsabi kan mga tataramon na ini sa saindong hade saka sa saindo sana, asin bakong sa mga tawong iyan na nagtuturukaw sa kudal, na siring saindo, makakan kan saindang odo dangan mainom kan saindang ihi?”

2 Mga Hade 18:27 ပူးပေါင်းရင်းမြစ်များ

2 Mga Hade 18:17

Huli kaini an Tartan, an Rabsaris asin an Rabsake kaiba an dakulang hukbo, sinugo kan emperador nin Asiria ki Ezekias duman sa Jerusalem. Pag-abot ninda sa Jerusalem, nagtindog sinda sa may kali na pinagbubulosan kan tubig hale sa itaas na sapa, sa dalan saen nagtatrabaho an mga paragibo nin tela.

2 Mga Hade 18:26

Dangan nagsabi si Eliakim, si Sebna saka si Joa, “Nakikimaherak kami na magtaram ka samo sa lengwaheng Arameo. Nasasabotan mi iyan. Dai ka magtaram sa lengwaheng Hebreyo huli ta naghihinanyog an gabos na tawo na yaon sa kudal.”

2 Mga Hade 18:28

Dangan nagtindog an opisyal asin nagkurahaw sa lengwaheng Hebreyo, “Hinanyoga nindo an tataramon kan dakulang emperador, an emperador nin Asiria.

2 Mga Hade 6:25

Huli kaini nagkaigwa nin gutom sa Samaria, na maski an payo nin asno ipinagpapabakal sa halagang otsentang pedaso nin plata, asin an ipot nin salampati sa halagang limang pedaso nin plata.

Salmo 73:8

Nag-oolog-olog sinda, nagtataram nin maraot; mapaabaw-abaw na nag-iisip nin pang-aapi.

Isaias 36:12

Nagsimbag an opisyal, “Pinadigdi daw ako kan sakong emperador tanganing magsabi kan mga tataramon na ini sa saindong hade saka sa saindo sana, asin bakong sa mga tawong iyan na nagtuturukaw sa kudal na siring saindo, makakan kan saindong odo dangan mainom kan saindang ihi?”

Mga Panambitan 4:4

Pinababayaan ninda an saindang mga omboy na magadan sa paha saka sa gutom; an mga aki nakikilimos nin kakanon, alagad mayo nin nagtatao sa sainda.

Mga Panambitan 4:5

An mga tawo na nagkakan nin masiram na kakanon kaidto ngunyan nagagadan sa gutom sa mga tinampo; an mga nagdakula sa luho kaidto ngunyan namumurot nin pagkakan sa basurahan.

Ezekiel 4:13

Nagtaram an Kagurangnan, “Iyan an magigin pagkakan kan mga Israelita, pagkakan na ipinapangalad kan Katogonan, kun iwarak ko na sinda sa mga dayuhan na nasyon.”

Ezekiel 4:15

Kaya nagtaram an Dios, “Kun siring, tutugotan takang gamiton an odo nin baka, embes na odo nin tawo, sa pagluto mo nin tinapay.”