2 Mga Hade 18:26 - Marahay na Bareta Biblia

²⁶ Dangan nagsabi si Eliakim, si Sebna saka si Joa, “Nakikimaherak kami na magtaram ka samo sa lengwaheng Arameo. Nasasabotan mi iyan. Dai ka magtaram sa lengwaheng Hebreyo huli ta naghihinanyog an gabos na tawo na yaon sa kudal.”

2 Mga Hade 18:26 ပူးပေါင်းရင်းမြစ်များ

2 Mga Hade 18:18

Kan ipaapod ninda an hade, nagluwas sa pagsabat sainda si Eliakim na aking lalaki ni Hilkias, na namamahala kan palasyo, si Sebna na sekretaryo kan hade, asin si Joa na aking lalaki ni Asaf, na kansilyer.

2 Mga Hade 18:25

Naghohona siya na nagsasalakay ako tanganing gabaon an saiyang banwaan na mayo nin tabang hale sa Kagurangnan? An Kagurangnan mismo an nagtaram sako na salakayon an Jerusalem asin rumpagon.”

2 Mga Hade 18:27

Nagsimbag an opisyal, “Pinadigdi daw ako kan sakong emperador tanganing magsabi kan mga tataramon na ini sa saindong hade saka sa saindo sana, asin bakong sa mga tawong iyan na nagtuturukaw sa kudal, na siring saindo, makakan kan saindang odo dangan mainom kan saindang ihi?”

2 Mga Hade 18:37

Dangan ginisi ni Eliakim, ni Sebna, asin ni Joa an saindang mga gubing sa kamondoan; asin nagduman sa hade. Ibinareta niya saiya an itinaram kan opisyal nin Asiria.

Esdras 4:7

Siring man kan panahon nin pamamayo ni Emperador Artajerjes nin Persia, nagsurat sa emperador na ini si Bislam, si Mitredat, saka si Tabeel asin an saindang mga kairiba. An surat nasa lengwaheng Arameo asin kaipuhan itradusir kun binabasa.

Isaias 22:15

Sinabihan ako nin Kagurangnan Dios nin mga hukbo na magduman ki Sebna, an parapamahala kan palasyo asin sabihan siyang,

Daniel 2:4

Nagsimbag sinda sa hade sa lengwaheng Arameo, “Mabuhay logod sagkod pa man an Mahal na Hade! Sabihan samo an saimong pangatorogan, asin ipapaliwanag mi iyan saimo.”