2 Mga Hade 18:24 - Marahay na Bareta Biblia

²⁴ Tadaw ta malabna siya sa sarong hababang opisyal nin Asiria, mantang naglalaom siya sa Egipto na papadarahan siya nin mga karwahe saka parakabayo?

2 Mga Hade 18:24 ပူးပေါင်းရင်းမြစ်များ

Genesis 50:9

Nag-iriba man ki Jose an mga nakakarwahe asin nakakabayo; sarong dakulang grupo an nagpaduman sa Canaan.

1 Mga Hade 20:10

hale ki Ben-hadad: “Madara ako nin dakul na lalaki na magaba kan syudad mong ini, dakul na lalaki na pwedeng magdara sa saindang mga kamot kan gabos na alpog nin Samaria. Gadanon logod ako kan mga dios kun dai ko gibohon ini!”

2 Mga Hade 18:21

Nagsasarig siya ngunyan sa Egipto, an baring sugkod na bariw na matusok nin kamot kan siisay man na minasarig saiya? Arog kaiyan an hade nin Egipto sa gabos na minasarig saiya.”

2 Mga Hade 18:23

Inaagyat ko siya sa ngaran kan emperador: tatawan ko siya nin duwang ribong kabayo kun makakakua siya nin siring kadakul na lalaki na malunad diyan!

2 Mga Hade 18:25

Naghohona siya na nagsasalakay ako tanganing gabaon an saiyang banwaan na mayo nin tabang hale sa Kagurangnan? An Kagurangnan mismo an nagtaram sako na salakayon an Jerusalem asin rumpagon.”

Isaias 10:8

Nagsabi siya, “Gabos hade an sakong mga opisyal!

Isaias 30:1

Nagtaram an Kagurangnan: “Herak man sa mga namamayo sa Juda huli ta nagtumang sinda sako. Sinusunod ninda an mga plano na bako ako an naggibo, asin nakikipagtipan sinda tumang sa sakong kabotan; dinadagdagan pa ninda an saindang mga kasalan.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 31:3

Bakong mga dios an mga taga Egipto—mga tawo sana sinda. An saindang mga kabayo bakong mga espiritu, kundi laman. Kun unaton na nin Kagurangnan an saiyang kamot, magagaba an makosog na nasyon, asin mabagsak an maluyang nasyon na tinabangan kaini. Sabay sindang marurumpag.

Isaias 36:6

Nagsasarig kamo ngunyan sa Egipto, an baring sugkod na bariw, na matusok kan kamot kan siisay man na minasarig saiya. Arog kaiyan an hade nin Egipto sa gabos na minasarig saiya.”

Isaias 36:9

Tadaw ta malaban siya sa sarong hababang opisyal nin Asiria, mantang naglalaom siya sa Egipto na papadarahan siya nin mga karwahe saka mga parakabayo?

Jeremias 37:7

na sabihan si Zedekias nin siring, “Nagdadangadang na an hukbo nin Egipto tanganing tabangan ka, alagad mabalik sinda sa Egipto.

Ezekiel 17:15

Alagad nagrebelde saiya an hade nin Juda asin nagpadara nin mga sugo sa Egipto tanganing magkua nin mga kabayo asin nin sarong dakulang hukbo. Manggana daw siya? Makakaligtas daw an naggibo kaiyan? Pwede daw niyang salungaton an tipan asin makaligtas sa padusa?

Ezekiel 17:17

Maski an mapangyaring hukbo kan hade nin Egipto dai makakatabang saiya sa pakilaban kun an mga taga Babilonia magtambak na nin daga asin magkalot na nin mga trinsera tanganing makagadan nin dakul na tawo.

Ezekiel 29:6

Dangan maaaraman kan gabos na tawo sa Egipto na ako an Kagurangnan.” Nagtataram an Kagurangnan, “Ika, Egipto, an sinarigan kan mga Israelita, alagad maluya ka man arog sa sarong bariw.

Daniel 4:22

Mahal na Hade, ika an kahoy, halangkaw asin pusog. Duminakula ka nin marahay kaya nakakaabot sa langit, asin sakop kan saimong kapangyarihan an bilog na kinaban.

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Deuteronomio 17:16

An hade dai dapat magkaigwa nin dakul na kabayo para sa saiyang hukbo; dai siya dapat magpadara nin mga tawo tanganing magbakal nin mga kabayo sa Egipto, huli ta ipinangalad nin Kagurangnan an pagbalik duman kan saiyang banwaan.