2 Mga Hade 18:11 - Marahay na Bareta Biblia

¹¹ An mga Israelita dinara sa Asiria kan emperador nin Asiria bilang mga bihag dangan pinaerok sa syudad nin Hala, asin sa harani kan Salog nin Habor sa distrito nin Gozan, saka sa mga syudad nin Media.

2 Mga Hade 18:11 ပူးပေါင်းရင်းမြစ်များ

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 19:11

Nadangog mo kun ano an ginibo kan emperador nin Asiria sa gabos na banwaan; rinumpag niya an mga banwaan na ini. Sa paghona mo makakadulag ka?

2 Mga Hade 21:8

Kun otobon nin Israel an gabos kong togon saka mga pagboot na itinao sainda ni Moises, dai ko tutugotan na mapahale pa sinda sa daga na itinao ko sa saindang mga ginikanan.”

2 Mga Hade 23:27

Nagtaram an Kagurangnan, “Gigibohon ko sa Juda an ginibo ko sa Israel: Paparaon ko sa sakong panhiling an Juda, saka isisikwal ko an Jerusalem, an syudad na pinili ko, asin an Templo, an sinabi kong lugar na pagsasambahan sako.”

1 Mga Cronica 5:26

Kaya pinangyari nin Dios na sakopon an saindang daga ni Pul na emperador kan Asiria (inaapod man sa ngaran na Tiglat-pileser). An mga tribu ni Ruben, Gad, asin Manases sa sirangan itinapok asin duman sinda nag-erok sa Hala, Habor, saka Hara, asin sa may Salog nin Gozan. Duman na sinda nag-erok sagkod ngunyan.

Nehemias 9:30

Dakul na taon matinios na pinatanidan mo sinda. Pinasabongan mo an saimong mga propeta tanganing magtaram sainda, alagad dai sinda nagdangog; kaya ipinasakop mo sinda sa ibang mga nasyon.

Isaias 10:11

Narumpag ko an Samaria asin an gabos na dios-dios kaini; arog man kaiyan an sakong gigibohon sa Jerusalem asin sa mga ladawan na sinasamba duman.”

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 36:2

Dangan nagboot si Senakerib sa pinakahalangkaw niyang opisyal na magduman sa Jerusalem hale sa Lakis, kaiba an dakulang hukbo. Pinagbotan niya an opisyal na hagadon ki Hadeng Ezekias na sumuko. Nagtindog an opisyal sa dalan saen nagtatrabaho an mga paragibo nin tela, sa may kali na pinagbubulosan kan tubig hale sa itaas na sapa.

Isaias 37:12

Rinaot kan sakong mga ginikanan an mga syudad nin Gozan, Haran, saka Rezep, dangan ginaradan ninda an mga taga Eden na nag-erok sa Tel-asar; mayo ni saro sa saindang dios an nagligtas sa sainda.

Isaias 7:8

Huli ta an pangenot na syudad nin Siria iyo an Damasco; an pamayo nin Damasco iyo si Rezin. (Manongod sa Israel, sa laog nin sesenta y singkong taon, magagaba iyan asin dai magdadanay bilang sarong nasyon.)

Isaias 8:4

huli ta bago siya makanood na magtaram nin ‘Ama ko’ o ‘Ina ko’, an gabos na kayamanan nin Damasco asin an gabos na sinamsaman nin Samaria dadarahon kan hade nin Asiria.”

Oseas 9:3

Dai magdadanay an banwaan nin Israel sa daga nin Kagurangnan, kundi mapipiritan na magbalik sa Egipto asin magkakan kan ipinangalad na kakanon sa Asiria.

Amos 2:6

Nagtataram an Kagurangnan, “Paulit-ulit na nagkasala an mga Israelita, asin huli kaiyan, papadusahan ko sinda. Ipinapabakal ninda sa kaoripnan an mga tawong matanos na dai nakakabayad kan saindang utang, mga dukhang dai nakakabayad maski kan halaga nin sarong pades nin sandalyas.

Amos 5:6

Magdolok kamo sa Kagurangnan, asin mabubuhay kamo. Kun dai kamo magdolok saiya, maabot siya sa banwaan nin Israel siring sa kalayo. Susuloon kan kalayong iyan an mga taga Betel, asin mayo nin siisay man na makakasigbo kaiyan.

Mga Gibo 7:43

Pinagburuligan nindo an tolda kan dios-dios na si Moloc, asin an bitoon kan dios-dios nindong si Refan; mga ladawan na ginibo nindo tanganing sambahon. Kaya itatapok ko kamo sa ibong kan Babilonia.’