2 Mga Hade 18:10 - Marahay na Bareta Biblia

¹⁰ Pakalihis nin tolong taon, nasakop niya an Samaria. Ikaanom na taon na kaidto kan paghahade ni Ezekias asin ikasiyam na taon na ni Oseas.

2 Mga Hade 18:10 ပူးပေါင်းရင်းမြစ်များ

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

Isaias 10:9

Sinakop ko an mga syudad nin Calno asin Carkemis, an Hamat saka an Arpad. Sinakop ko an Samaria asin an Damasco.

Oseas 13:16

Kaipuhan na padusahan an Samaria huli ta nagrebelde iyan sako. Magagadan sa gera an saiyang mga namamanwaan; roronoton sa daga an saiyang mga omboy asin lalaslason an mga tulak kan mga bados na babae.”

Amos 3:11

Kaya papalibotan kan kaiwal an saindang mga kudal, raraoton an saindang mga depensa, asin sasamsaman an saindang mga harong.”

Amos 6:7

Kaya, kamo an enot na itatapok asin dai na kamo makakapagbangkete saka makakapagpyesta.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Mikas 7:13

Alagad magigin sarong desyerto an daga huli kan karatan kan mga nag-eerok diyan.

Mga Bilang 32:41

Sinalakay asin sinakop ni Jair, na aking lalaki ni Manases, an nagkapirang mga baryo asin nginaranan idtong “Mga Baryo ni Jair.”