2 Mga Hade 17:9 - Marahay na Bareta Biblia

⁹ Hilom na ginibo kan mga Israelita an mga bagay na bakong matanos. Nagtugdok sinda nin paganong mga lugar na pagsasambahan sa gabos nindang banwa, magpoon sa pinakasadit na baryo sagkod sa pinakadakulang syudad.

2 Mga Hade 17:9 ပူးပေါင်းရင်းမြစ်များ

2 Mga Hade 18:8

Nadaog niya an mga Filisteo dangan sinalakay niya an mga erokan ninda, magpoon sa pinakasadit na baryo sagkod sa pinakadakulang syudad, kaiba an Gaza saka an teritoryo sa palibot kaini.

An Libro ni Job 31:27

asin hilom na nadagka an sakong puso, patin hinadokan ko an sakong kamot sa pagtaong galang sa mga iyan;

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Isaias 29:15

Herak man sa mga nagtatago sa Kagurangnan kan saindang mga plano! Ginigibo ninda iyan sa hilom asin naghohona sinda na mayo nin nakakahiling sainda o mayo nin nakakaaram kan saindang ginigibo.

Ezekiel 20:28

Dinara ko sinda sa daga na ipinanuga ko sainda. Kan mahiling ninda an mga halangkaw na bulod asin an mga berdeng kahoy, dinolotan ninda nin sakripisyo an mga ini. Pinaanggot ninda ako huli kan saindang mga tinutong na sakripisyo asin mga dolot na arak.

Ezekiel 8:12

Hinapot ako nin Dios, “Aki nin tawo, nahiling mo an ginigibo sa hilom kan mga kamagurangan nin Israel? Nagsasamba sinda gabos sa laog nin sarong kwarto na pano nin mga ladawan. Huli ta nagsasabi sinda, ‘Dai kita nahihiling nin Kagurangnan! Pinabayaan na niya an daga.’”

Oseas 12:11

Alagad an pagsamba sa mga dios-dios ginigibo sa Gilead, asin magagadan an mga nagsasamba sainda. Nagsasakripisyo sinda nin mga torong baka sa Gilgal, asin magigin mga tambak nin gapo sa kaawagan an mga altar duman.”

Deuteronomio 13:6

“Kun an saindong tugang o an aki nindong lalaki o babae, o an namomotan nindong agom o an saindong nangongorog na katood, hilom na magdagka saindo na magsamba sa ibang mga dios na dai pa nindo sinamba asin kan saindong mga ginikanan,

Deuteronomio 27:15

“‘Maldisyonon an siisay man na maggibo nin ladawan na gapo, kahoy o metal, asin hilom na magsamba kaiyan; ikinakaongis nin Kagurangnan an pagsamba sa mga dios-dios.’ “Dangan an bilog na banwaan masimbag, ‘Amen!’

Deuteronomio 29:25

Ini an magigin simbag, ‘Huli ta nagtalikod sinda sa tipan na ginibo ninda sa Kagurangnan na Dios kan saindang mga ginikanan, kan iluwas niya sinda hale sa daga nin Egipto.