2 Mga Hade 17:6 - Marahay na Bareta Biblia

⁶ Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 17:6 ပူးပေါင်းရင်းမြစ်များ

Genesis 10:2

An mga aking lalaki ni Jafet iyo si Gomer, Magog, Madai, Javan, Tubal, Mesek, asin Tiras.

1 Mga Hade 8:46

“Kun magkasala sinda saimo, huli ta mayo nin tawo na dai nagkakasala, asin sa kaanggotan pabayaan mo sindang madaog saka mabihag kan saindang mga kaiwal sa harayo o haraning lugar,

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 17:23

sagkod na pinara sinda nin Kagurangnan sa saiyang panhiling, siring kan saiyang itinaram sa paagi kan gabos niyang propeta na saiyang mga sorogoon. Kaya itinapok an Israel sa Asiria, saen nag-eerok sinda sagkod ngunyan.

2 Mga Hade 18:34

Haen na ngunyan an mga dios nin Hamat asin Arpad? Haen an mga dios nin Sefarvaim, Hena asin Ivva? Ikinaligtas daw ninda an Samaria?

2 Mga Hade 19:12

Rinaot kan sakong mga ginikanan an mga syudad nin Gozan, Haran asin Rezef, dangan ginadan ninda an mga taga Eden na nag-erok sa Tel-assar; mayo sa saindang mga dios an nakapagligtas sa sainda.

2 Mga Hade 21:13

Papadusahan ko an Jerusalem arog kan ginibo ko sa Samaria, arog kan ginibo ko ki Hadeng Ahab nin Israel sagkod an saiyang kapagarakian. Lilinigan ko an Jerusalem arog kan paglinig kan plato bago patiolobon.

1 Mga Cronica 5:22

Ginadan ninda an kadaklan sa mga kaiwal, huli ta pagboot nin Dios an gera. Padagos sindang nag-erok sa teritoryong idto sagkod kan panahon kan pagtapokan sainda.

1 Mga Cronica 5:26

Kaya pinangyari nin Dios na sakopon an saindang daga ni Pul na emperador kan Asiria (inaapod man sa ngaran na Tiglat-pileser). An mga tribu ni Ruben, Gad, asin Manases sa sirangan itinapok asin duman sinda nag-erok sa Hala, Habor, saka Hara, asin sa may Salog nin Gozan. Duman na sinda nag-erok sagkod ngunyan.

Esdras 6:2

Sarong kasuratan an nakua sa syudad nin Ecbatana, sa probinsya nin Media; ini an laog kan nasambit na kasuratan:

Nehemias 9:32

“O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

Isaias 10:9

Sinakop ko an mga syudad nin Calno asin Carkemis, an Hamat saka an Arpad. Sinakop ko an Samaria asin an Damasco.

Isaias 13:17

Nagsasabi an Kagurangnan, “Sosotsotan ko an mga taga Media tanganing salakayon an Babilon. Dai ninda pinapahalagahan an plata asin dai sinda naoogma sa bulawan.

Isaias 17:4

Nagsabi an Kagurangnan, “Maabot an aldaw na matatapos an kadakulaan nin Israel, asin an kayamanan kaiyan mariribayan nin kadukhaan.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 36:17

sagkod na paerokon kamo kan emperador sa sarong daga na pareho kan saindong daga, saen igwa nin mga ubasan na nagtatao nin arak asin igwa nin trigo na magigibong tinapay.

Isaias 36:19

Haen na ngunyan an mga dios nin Hamat asin Arpad? Haen na an mga dios nin Sefarvaim? Ikinaligtas daw ninda an Samaria?

Isaias 37:18

Totoong gayo, O Kagurangnan, na rinaot kan mga emperador nin Asiria, an mga nasyon asin an saindang mga daga.

Isaias 8:4

huli ta bago siya makanood na magtaram nin ‘Ama ko’ o ‘Ina ko’, an gabos na kayamanan nin Damasco asin an gabos na sinamsaman nin Samaria dadarahon kan hade nin Asiria.”

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Daniel 5:28

PERES, binanga na an saimong kahadean asin itinao sa mga taga Media saka sa mga taga Persia.”

Oseas 1:4

sinabihan nin Kagurangnan si Oseas, “Ngaranan mo siyang ‘Jezreel,’ huli ta dai na mahahaloy, papadusahan ko an hade nin Israel huli kan mga panggagadan na ginibo kan ginikanan niyang si Jehu sa Jezreel. Tataposon ko na an paghahade kan pamilya ni Jehu.

Oseas 1:6

Nagbados giraray si Gomer dangan nangaki nin sarong babae. Sinabihan nin Kagurangnan si Oseas, “Ngaranan mo siyang ‘Dai Namotan,’ huli ta dai na ako mamomoot sa mga Israelita asin dai ko na sinda papatawadon.

Oseas 1:9

Sinabihan nin Kagurangnan si Oseas, “Ngaranan mo siyang ‘Bako Kong Banwaan,’ huli ta an mga taga Israel bako ko nang banwaan, asin bako na ako an saindang Dios.”

Oseas 13:16

Kaipuhan na padusahan an Samaria huli ta nagrebelde iyan sako. Magagadan sa gera an saiyang mga namamanwaan; roronoton sa daga an saiyang mga omboy asin lalaslason an mga tulak kan mga bados na babae.”

Oseas 8:8

Nakaarog na an Israel sa ibang nasyon asin mayo na siya nin halaga siring sa sarong pasang koron.

Oseas 9:3

Dai magdadanay an banwaan nin Israel sa daga nin Kagurangnan, kundi mapipiritan na magbalik sa Egipto asin magkakan kan ipinangalad na kakanon sa Asiria.

Levitico 26:38

Magagadan kamong mga bihag, asin hahalonon kamo kan daga kan saindong mga kaiwal.

Amos 5:27

kun itapok ko na kamo sa dagang nasa ibong kan Damasco,” an sabi nin Kagurangnan, na an ngaran Dios nin mga hukbo.

Amos 7:17

Amazias, sinasabihan ka nin Kagurangnan, ‘An saimong agom magigin sarong maraot na babae sa mga tinampo asin magagadan sa gera an saimong kaakian. Pagbabarangaon kan iba an saimong daga asin magagadan ka sa sarong paganong daga. Dangan itatapok an banwaan nin Israel harayo sa saindang daga.’”

Deuteronomio 28:36

“Kamo asin an saindong hade dadarahon nin Kagurangnan sa sarong dayuhan na daga, na dai pa nindo naaraman ni kan saindong mga ginikanan. Duman malingkod kamo sa mga dios-dios na gibo sa kahoy saka gapo.

Deuteronomio 28:64

“Iwawarak kamo nin Kagurangnan sa gabos na nasyon, sa gabos na poro nin daga; malingkod kamo duman sa mga dios-dios na gibo sa kahoy saka gapo, mga dios-dios na dai pa nindo sinamba ni kan saindong mga ginikanan.

Deuteronomio 30:18

sinasabihan ko kamo ngunyan na magagadan kamo. Dai maghahalawig an saindong buhay duman sa ibong kan Jordan, sa daga na saindong lalaogon saka sasadirihon.