2 Mga Hade 17:37 - Marahay na Bareta Biblia

³⁷ Danay kamong magkuyog kan sakong mga togon asin pagboot na sinurat ko para saindo. Dai kamo magsamba sa ibang dios,

2 Mga Hade 17:37 ပူးပေါင်းရင်းမြစ်များ

2 Mga Hade 17:38

asin dai nindo paglingawan an tipan na ginibo ko saindo.

1 Mga Cronica 29:19

Itao mo ki Solomon na sakuyang aki an tudok sa puso na pagmawot na maotob an saimong mga togon saka mga pagboot, asin na ikapatugdok niya an Templo, na inandaman ko kan mga bagay na ini.”

Levitico 19:37

Kuyogon nindo an gabos kong togon saka pagboot. Ako an Kagurangnan.”

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Deuteronomio 31:11

Basahon nindo ini sa atubang kan bilog na Israel, sa panahon na magtiripon sinda sa pagsamba sa Kagurangnan na saindong Dios duman sa lugar na pagsasambahan.

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.

Deuteronomio 5:22

“Iyo ini an mga pagboot na itinao saindo nin Kagurangnan kan magtiripon kamo sa atubang kan bukid, kan magtaram siya sa makosog na tingog hale sa kalayo, hale sa panganoron sagkod sa mahibog na kadikloman; mayo na siyang idinagdag. Dangan isinurat niya an mga ini sa duwang tablang gapo asin itinao sako.

Deuteronomio 5:31

Maghilig ka dangan magbalik digdi, asin itatao ko saimo an gabos kong togon saka pagboot. Itukdo mo iyan sa mga tawo tanganing otobon ninda duman sa daga na itinatao ko sainda.’

Deuteronomio 5:32

“Banwaan nin Israel, otobon nanggad nindo an gabos na ipinagboot saindo nin Kagurangnan na saindong Dios. Dai kamo maglapas kan arin man sa saiyang mga togon.

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Hukom 6:10

Tinaraman ko kamo na ako an Kagurangnan na saindong Dios, asin na dai kamo magsamba sa mga dios-dios kan mga Amoreo na dating kagsadiri kan dagang pinag-eerokan nindo ngunyan. Alagad dai kamo nagdangog sako.”