2 Mga Hade 17:34 - Marahay na Bareta Biblia

³⁴ Sagkod ngunyan ipinapadagos ninda an daan na mga gawe ninda. Dai ninda sinamba an Kagurangnan, ni kinukuyog an mga katogonan saka pagboot na itinao niya sa mga kapagarakian ni Jacob, na nginaranan niyang Israel.

2 Mga Hade 17:34 ပူးပေါင်းရင်းမြစ်များ

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

Genesis 32:29

Nagsabi si Jacob, “Sabihan man sako an ngaran mo.” Nagsimbag an lalaki, “Tano ta gusto mong maaraman an sakong ngaran?” Dangan benendisyonan niya si Jacob.

Genesis 33:20

Nagpatindog siya nin altar duman asin nginaranan niyang El-Elohe-Israel.

Genesis 35:10

asin tinaraman, “Jacob an ngaran mo, alagad poon ngunyan aapodon ka nang Israel.” Kaya nagin Israel an saiyang ngaran.

1 Mga Hade 11:31

Sinabihan niya si Jeroboam, “Kuaha an sampolong pedaso, huli ta nagtataram saimo an Kagurangnan, an Dios nin Israel, ‘Hahaleon ko ki Solomon an kahadean, asin itatao ko saimo an sampolong tribu.

1 Mga Hade 18:11

Alagad ngunyan boot mong magduman ako tanganing sabihan siya na uya ka.

1 Mga Hade 18:31

Nagkua siya nin doseng gapo, sosog sa bilang kan mga tribu kan doseng aking lalaki ni Jacob na tinawan nin Kagurangnan kan ngaran na Israel.

2 Mga Hade 17:25

Kan mga naenot na taon nin pag-erok ninda duman, dai sinda nagsamba sa Kagurangnan, kaya an Kagurangnan nagpadara nin mga leon, na guminadan sainda.

2 Mga Hade 17:33

Kaya sinamba ninda an Kagurangnan alagad sinamba man ninda an sadiri nindang mga dios sosog sa mga gawe kan mga nasyon na hinalean ninda.

2 Mga Hade 17:40

Alagad habong maghinanyog an mga tawong idto; naggibo sinda sosog sa dati nindang gawe.

Salmo 55:20

An sakong dating kaiba nagsalakay sa saiyang mga katood; dai niya inotob an saiyang tipan.

Mga Talinhaga 14:2

An naglalakaw sa katanosan natatakot sa Kagurangnan, alagad an may bikong pamumuhay minasikwal saiya.

Isaias 48:1

Dangoga nindo ini, banwaan nin Israel, kamo na naggikan ki Juda: Minasumpa kamo sa ngaran kan Kagurangnan asin minasabing sinasamba nindo an Dios nin Israel— alagad bakong tudok sa puso nindo an saindong sinasabi.