2 Mga Hade 17:32 - Marahay na Bareta Biblia

³² An Kagurangnan sinamba man kan mga tawong ini asin nagpili sinda hale sa sainda man sana nin manlaen-laen na klase nin tawo tanganing maglingkod bilang mga padi sa mga lugar na pagsasambahan asin magdolot nin mga atang para sa sainda.

2 Mga Hade 17:32 ပူးပေါင်းရင်းမြစ်များ

1 Mga Hade 12:31

Si Jeroboam naggibo man nin mga lugar na pagsasambahan sa kabubuldan, asin nagpili siya nin mga pading gikan sa mga pamilya na bakong kaayon sa tribu ni Levi.

1 Mga Hade 12:33

Kan ikakinseng aldaw kan ikawalong bulan, an aldaw na siya mismo an nagtalaan, nagduman siya sa Betel asin nagdolot nin sakripisyo sa altar sa pagselebrar kan pyesta na saiyang minukna para sa banwaan nin Israel.

1 Mga Hade 13:31

Pakalubong, sinabihan kan propeta an saiyang mga aking lalaki, “Kun ako magadan, ilubong nindo ako sa lulubngan na ini; ibugtak nindo an sakong bangkay sa kataed niya.

1 Mga Hade 13:33

Dai man giraray nagbakle si Hadeng Jeroboam nin Israel sa saiyang maraot na mga gibo. Nagpadagos siya sa pagpili nin mga padi na gikan sa ordinaryong mga pamilya tanganing maglingkod sa mga altar na saiyang itinugdok. Kinonsagra niya bilang padi an siisay man na boot magin padi.

2 Mga Hade 17:25

Kan mga naenot na taon nin pag-erok ninda duman, dai sinda nagsamba sa Kagurangnan, kaya an Kagurangnan nagpadara nin mga leon, na guminadan sainda.

2 Mga Hade 17:29

Alagad an mga tawo na nag-erok sa Samaria nagpadagos sa paggibo kan ladawan kan saindang mga dios. Ibinugtak ninda ini sa mga lugar na pagsasambahan na tinugdok kan mga Israelita. An lambang grupo naggibo nin mga ladawan kan mga dios sa mga syudad na pinag-eerokan ninda:

2 Mga Hade 17:33

Kaya sinamba ninda an Kagurangnan alagad sinamba man ninda an sadiri nindang mga dios sosog sa mga gawe kan mga nasyon na hinalean ninda.

2 Mga Hade 17:41

Kaya nagsamba sa Kagurangnan an mga tawong idto alagad nagsamba man sinda sa mga ladawan kan mga dios ninda; ini man an ginigibo kan saindang mga kapagarakian sagkod ngunyan.

2 Mga Hade 23:19

Sa lambang syudad nin Israel ipinagaba ni Hadeng Josias an gabos na paganong mga lugar na pagsasambahan na ipinatugdok kan mga hade nin Israel na nagpaanggot sa Kagurangnan. Ginibo niya sa mga altar na idto an ginibo niya sa Betel.

Esdras 4:2

nagduman sinda ki Zerubabel saka sa mga pamayo kan mga kamaganakan dangan nagsabi, “Tugotan nindo kaming magtrabaho kaiba nindo, huli ta sinasamba mi an parehong Dios na sinasamba nindo, asin nagdodolot kami saiya nin mga sakripisyo poon pa kan panahon ni Esarhaddon, an emperador nin Asiria, na nagdara samo digdi.”

Sofonias 1:5

Gagadanon ko an siisay man na nagsasakat sa atop dangan nagsasamba sa aldaw, sa bulan, saka sa mga bitoon. Pupuhoon ko man an mga nagsasamba sako asin nanunuga na magigin maimbod sako, alagad nanunumpa sa ngaran kan dios-dios na si Molec.