2 Mga Hade 17:27 - Marahay na Bareta Biblia

²⁷ Nagboot an emperador nin Asiria, “Pabalikon nindo an saro kan mga padi na nabihag nyato; pabalikon siya asin paerokon duman tanganing magtukdo sa mga tawo kan pagboot kan dios kan dagang idto.”

2 Mga Hade 17:27 ပူးပေါင်းရင်းမြစ်များ

1 Mga Hade 12:31

Si Jeroboam naggibo man nin mga lugar na pagsasambahan sa kabubuldan, asin nagpili siya nin mga pading gikan sa mga pamilya na bakong kaayon sa tribu ni Levi.

1 Mga Hade 13:2

Dangan sa pagkuyog kan kabotan nin Kagurangnan, nagkurahaw an propeta laban sa altar: “O altar, iyo ini an itinataram nin Kagurangnan: ‘Sarong aking lalaki, na Josias an magigin ngaran, an mamumundag sa pamilya ni David. Isasakripisyo niya sa ibabaw mo an mga padi na naglilingkod sa paganong mga altar na nagdodolot nin mga sakripisyo sa ibabaw mo; tututongon niya sa ibabaw mo an mga tolang nin tawo.’”

2 Mga Hade 17:26

Naosipan an emperador nin Asiria, “An mga tawo na pinaerok mo sa mga syudad nin Samaria dai nakakaaram kan pagboot nin dios kan dagang idto, kaya nagpadara an dios nin mga leon na nanggagadan sainda.”

2 Mga Hade 17:28

Kaya sarong padi na nabihag ninda hale sa Samaria an nagbalik saka nag-erok sa Betel, saen nagtukdo sa mga tawo kun paano an pagsamba sa Kagurangnan.

2 Mga Cronica 11:15

Si Jeroboam nagpili nin sadiri niyang mga padi tanganing maglingkod sa mga paganong lugar na pagsasambahan, magsamba sa mga demonyo asin mga ladawan nin baka na saiyang ginibo.

Esdras 7:25

“Ika, Esdras, sosog sa kadonongan na itinao saimo nin saimong Dios, an mabugtak nin mga administrador saka mga hukom na mamamahala kan gabos na tawo sa Solnopan kan Salog nin Eufrates. Sinda gabos kaipuhan na tukdoan mo kan Katogonan nin saimong Dios.

Hukom 17:13

Dangan nagsabi si Micas, “Ngunyan na igwa na ako nin sarong Levita bilang padi, aram kong papauswagon ako nin Kagurangnan.”