2 Mga Hade 17:25 - Marahay na Bareta Biblia

²⁵ Kan mga naenot na taon nin pag-erok ninda duman, dai sinda nagsamba sa Kagurangnan, kaya an Kagurangnan nagpadara nin mga leon, na guminadan sainda.

2 Mga Hade 17:25 ပူးပေါင်းရင်းမြစ်များ

1 Mga Hade 13:24

Naghale na siya, asin sa dalan sinabat siya saka ginadan nin sarong leon. Nakatapok sa dalan an saiyang bangkay asin nagtindog sa kataed kaini an asno saka an leon.

1 Mga Hade 20:36

kaya nagsabi an propeta, “Huli ta sinuhay mo an pagboot nin Kagurangnan, paghale mo digdi gagadanon ka nin sarong leon.” Pakahale kan propeta, sinabat siya nin sarong leon asin ginadan siya.

2 Mga Hade 17:26

Naosipan an emperador nin Asiria, “An mga tawo na pinaerok mo sa mga syudad nin Samaria dai nakakaaram kan pagboot nin dios kan dagang idto, kaya nagpadara an dios nin mga leon na nanggagadan sainda.”

2 Mga Hade 17:28

Kaya sarong padi na nabihag ninda hale sa Samaria an nagbalik saka nag-erok sa Betel, saen nagtukdo sa mga tawo kun paano an pagsamba sa Kagurangnan.

2 Mga Hade 17:32

An Kagurangnan sinamba man kan mga tawong ini asin nagpili sinda hale sa sainda man sana nin manlaen-laen na klase nin tawo tanganing maglingkod bilang mga padi sa mga lugar na pagsasambahan asin magdolot nin mga atang para sa sainda.

2 Mga Hade 17:34

Sagkod ngunyan ipinapadagos ninda an daan na mga gawe ninda. Dai ninda sinamba an Kagurangnan, ni kinukuyog an mga katogonan saka pagboot na itinao niya sa mga kapagarakian ni Jacob, na nginaranan niyang Israel.

2 Mga Hade 17:41

Kaya nagsamba sa Kagurangnan an mga tawong idto alagad nagsamba man sinda sa mga ladawan kan mga dios ninda; ini man an ginigibo kan saindang mga kapagarakian sagkod ngunyan.

2 Mga Hade 2:24

Nagsalingoy si Eliseo asin kan mahiling niya sinda, minaldisyon niya sinda sa ngaran nin Kagurangnan. Dangan luminuwas hale sa kakahoyan an duwang babaeng oso saka ginaradan an kwarenta y dos sa mga aking lalaki.

Isaias 15:9

An salog sa banwa nin Dibon mapula na sa dugo, asin an Dios igwa pa nin natatagamang mas maraot para sa mga tawo duman. Sarong makangirhat na kagadanan an natatagama sa mga nawalat sa Moab.

Jeremias 10:7

Siisay an dai matatakot saimo, O Hade kan mga nasyon? Maninigo kang katakotan. Mayo nin makakaarog saimo sa gabos na madodonong sa mga nasyon, o sa arin man sa saindang mga hade.

Jeremias 15:3

Ako, an Kagurangnan, an mapadara sainda nin apat na makangingirhat na bagay: magagadan sinda sa gera; guguyodon kan mga ayam an saindang mga bangkay; kakakanon sinda kan mga gamgam; asin sisimoton kan mga lalaw na hayop an matatada sa saindang mga bangkay.

Jeremias 5:6

Kaya gagadanon sinda kan mga leon na hale sa kadlagan; roronoton sinda kan mga lobo na hale sa desyerto, saka maglilibot sa mga banwa ninda an mga leopardo. Kun magluwas an mga tawong idto, roronoton sinda, huli ta kadakul na kan saindang kasalan asin kadakul nang beses na tinalikodan ninda an Dios.

Ezekiel 14:15

“Pwede man na magpadara ako nin mga lalaw na hayop tanganing gadanon an mga tawo. An daga mapapano nin pag-alaman asin mayo na nin makakaagi diyan.

Ezekiel 14:21

Ini an tataramon nin Kagurangnan Dios: “Mapadara ako nin apat na mangirhat na padusa sa Jerusalem—gera, makuring gutom, lalaw na mga hayop, asin peste—tanganing gadanon an mga tawo saka mga hayop.

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Levitico 26:22

Papadarahan ko kamo nin mga maringis na hayop na magadan kan saindong kaakian, asin makakan kan saindong mga ataman na hayop tanganing kadikit na sana an matada saindo kaya mayo na nin maglalakaw sa saindong mga dalan.

Jonas 1:9

Nagsimbag si Jonas, “Hebreyo ako. Nagsasamba ako sa Kagurangnan, an Dios nin langit, an naglalang kan daga asin kan dagat.”

Josue 22:25

Ginibo niya an Jordan na kasagkoran mi asin nindo, na gikan ki Ruben asin ki Gad; dai kamo nin pakilabot sa Kagurangnan.’ Dangan pwedeng pugolon kan saindong mga aki an samong mga aki sa pagsamba sa Kagurangnan.