2 Mga Hade 17:21 - Marahay na Bareta Biblia

²¹ Pakatapos na isiblag nin Kagurangnan an Israel sa Juda, ginibong hade kan mga Israelita si Jeroboam na aking lalaki ni Nebat. Dangan ginibo ni Jeroboam na magharayo sinda sa Kagurangnan. Pinapagkasala niya sinda nin makuri.

2 Mga Hade 17:21 ပူးပေါင်းရင်းမြစ်များ

Genesis 20:9

kaya inapod ni Abimelek si Abraham asin sinabihan, “Ano ining ginibo mo samo? Ano an nagin kasalan ko saimo ta dinara mo sako asin sa bilog kong nasasakopan an kapahamakan na ini? Ginibo mo sa sako an mga bagay na dai dapat gibohon.

1 Mga Hade 11:11

Kaya nagtaram an Kagurangnan ki Solomon, “Huli ta dai mo inotob an sakong tipan asin linapas mo an sakong mga pagboot, hahaleon ko saimo an kahadean asin itatao ko sa saro mong opisyal.

1 Mga Hade 11:31

Sinabihan niya si Jeroboam, “Kuaha an sampolong pedaso, huli ta nagtataram saimo an Kagurangnan, an Dios nin Israel, ‘Hahaleon ko ki Solomon an kahadean, asin itatao ko saimo an sampolong tribu.

1 Mga Hade 13:34

An kasalan niyang ini an nagin dahelan kan pagkaraot asin pagkapuho kan paghahade kan saiyang pamilya.

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

1 Mga Hade 14:8

Kinua ko an kahadean sa kapagarakian ni David asin itinao saimo. Alagad dai ka nagin arog ki David na sakong sorogoon, na nagkuyog kan sakong mga kabotan asin nagsunod sako sa bilog niyang puso, na naggibo sana kan matanos sa sakong atubang.

2 Mga Hade 17:22

Nagkuyog ki Jeroboam an mga Israelita asin nagpadagos sinda sa paggibo kan gabos na kasalan na ginibo ni Jeroboam,

2 Mga Hade 3:3

Alagad, siring ki Hadeng Jeroboam na aking lalaki ni Nebat, pinapagkasala niya an Israel asin habo niyang mag-ontok sa pagkakasala.

2 Mga Cronica 11:11

Pinakosog niya an mga bantayan asin sa lambang saro kaiyan nagbugtak siya nin mga pamayo, mga pagkakan, lana nin oliba saka arak;

2 Mga Cronica 11:15

Si Jeroboam nagpili nin sadiri niyang mga padi tanganing maglingkod sa mga paganong lugar na pagsasambahan, magsamba sa mga demonyo asin mga ladawan nin baka na saiyang ginibo.

Salmo 25:11

Huli kan saimong ngaran, O Kagurangnan, patawada ako ta makuring gayo an sakong kasalan.

Exodo 32:21

Sinabihan ni Moises si Aaron, “Ano an ginibo saimo kan mga tawong ini ta tinugotan mo sindang magkasala?”

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

1 Samuel 2:17

Siring kadakula an kasalan kan mga aking lalaki ni Eli sa atubang nin Kagurangnan, huli ta dai ninda iginalang an mga dolot para sa Kagurangnan.

1 Samuel 2:24

Ontok kamo kaiyan! Maraot na bareta iyan na pinag-oorolayan kan banwaan nin Kagurangnan!