2 Mga Hade 17:20 - Marahay na Bareta Biblia

²⁰ Isinikwal nin Kagurangnan an gabos na Israelita; pinadusahan niya sinda asin itinao sa kamot kan mga kaiwal sagkod na napara niya sinda sa saiyang panhiling.

2 Mga Hade 17:20 ပူးပေါင်းရင်းမြစ်များ

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

2 Mga Hade 13:3

Huli kaini, naanggot an Kagurangnan sa Israel kaya paulit-ulit na ipinadaog niya an Israel ki Hadeng Hazael nin Siria asin sa aki kaining si Ben-hadad.

2 Mga Hade 13:7

Mayo na nin natadang hukbo si Jehoahaz kundi an singkwentang lalaki na nakakabayo, sampolong karwahe asin dyes mil na soldados, huli ta an iba ginadan kan hade nin Siria, na tinimaktimakan niya siring sa alpog.

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 17:15

Isinikwal ninda an saiyang mga katukdoan, dai ninda kinuyog an tipan na ginibo niya sa saindang mga ginikanan, asin dai ninda dinangog an saiyang mga patanid. Sinamba ninda an mayong halagang mga ladawan asin sinda mismo nawaraan nin halaga; inarog ninda an mga gawe kan mga nasyon na nakapalibot sainda, mga gawe na ipinangalad sainda nin Kagurangnan.

2 Mga Hade 17:18

Huli kaini, an Kagurangnan naanggot nin makuri sa mga Israelita, asin hinale niya sinda sa saiyang panhiling; mayo nin natada kundi an tribu sana ni Juda.

2 Mga Hade 18:9

Kan ikaapat na taon nin paghahade ni Ezekias sa Juda asin ikapitong taon nin paghahade ni Hadeng Oseas sa Israel, sinalakay ni emperador Salmaneser nin Asiria an Israel asin pinalibotan an Samaria.

2 Mga Hade 21:14

Papabayaan ko an kadikit na matadang buhay, asin itatao ko sinda sa saindang mga kaiwal, na masakop sainda saka masamsam kan saindang daga.

2 Mga Hade 23:27

Nagtaram an Kagurangnan, “Gigibohon ko sa Juda an ginibo ko sa Israel: Paparaon ko sa sakong panhiling an Juda, saka isisikwal ko an Jerusalem, an syudad na pinili ko, asin an Templo, an sinabi kong lugar na pagsasambahan sako.”

2 Mga Hade 24:3

Nangyari ini sa pagboot nin Kagurangnan, tanganing mapara sa saiyang panhiling an banwaan nin Juda huli kan gabos na kasalan na ginibo ni Hadeng Manases,

Nehemias 9:2

Nagsiblag an mga Israelita sa gabos na dayuhan, dangan nagtindog sinda saka nagkumpisal kan saindang mga kasalan asin kan kasalan kan saindang mga ginikanan.

Salmo 51:13

Dangan itutukdo ko sa mga parakasala an saimong mga dalan, asin mabalik saimo an mga makasalan.

Salmo 53:5

Alagad aabotan sinda nin dakulang takot, na kaidto dai pa lamang nangyari; huli ta iwawarak nin Dios an mga tolang kan mga kaiwal nin saiyang banwaan. Magkakasoropog sinda huli ta isinikwal sinda nin Kagurangnan.

Salmo 80:13

Sinusungkal kan opon sa kadlagan, sinasabsab kan mga hayop sa kapatagan.

Isaias 2:6

O Dios, pinabayaan mo an saimong banwaan, an mga kapagarakian ni Jacob! Lakop na an daga kan mga salamangkero hale sa sirangan asin hale sa daga nin Filistia. Sinusunod kan mga tawo an dayuhan na mga gawe.

Isaias 45:25

Ako, an Kagurangnan, an maligtas sa gabos na kapagarakian ni Jacob, asin oomawon ninda ako.

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 46:28

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo. Ako, an Kagurangnan, an nagtaram.”

Jeremias 52:3

An Kagurangnan naanggot sa Jerusalem saka sa Juda kaya isinikwal niya sinda. Nagrebelde si Zedekias ki Hadeng Nebukadnezzar nin Babilonia,

Jeremias 6:30

Aapodon sindang ati kan metal na mayo nin halaga, huli ta ako, an Kagurangnan, iyo an nagsikwal sainda.”

Jeremias 7:15

Papahaleon ko kamo sa atubangan ko arog kan pagpahale ko sa saindong mga kadugo, an banwaan nin Israel. Ako, an Kagurangnan, an nagtaram.”

Oseas 1:6

Nagbados giraray si Gomer dangan nangaki nin sarong babae. Sinabihan nin Kagurangnan si Oseas, “Ngaranan mo siyang ‘Dai Namotan,’ huli ta dai na ako mamomoot sa mga Israelita asin dai ko na sinda papatawadon.

Oseas 12:3

An saindang ginikanan na si Jacob nakipaggumolan sa kakambal niyang si Esau kan sinda nasa tulak pa kan saindang ina; kan dakula na si Jacob, nakilaban siya tumang sa Dios—

Jonas 1:10

Dangan sinabihan sinda ni Jonas na nagdudulag siya sa Kagurangnan. Nagkatarakot an mga tripulante asin sinabihan siya, “Sala an ginibo mo!”

Jonas 1:3

Alagad embes na magduman si Jonas sa Nineve, nagduman siya sa ibong na direksyon tanganing makadulag sa Kagurangnan. Nagduman siya sa Jope, saen nakahiling siya nin sarong barko na mapasiring sa Espanya. Nagbayad siya kan pasahe, dangan nagsakay kaiba an mga tripulante sa pagpasiring sa Espanya, tanganing makadulag sa Kagurangnan.

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Deuteronomio 11:12

Sa bilog na taon, an Kagurangnan na saindong Dios an nag-aataman asin nagbabantay kan dagang iyan.

Deuteronomio 32:20

‘Dai ko na sinda tatabangan,’ siya nagtaram; ‘hihilingon ko an saindang aabotan, sinda na bakong maimbod saka makasalan na henerasyon.

2 Tesalonica 1:9

Papadusahan sinda nin kapahamakan na mayong kataposan, hahaleon sa atubang nin Kagurangnan asin sa saiyang mamurawayon na kapangyarihan.

Josue 23:13

saboton nanggad nindo na dai na papahaleon nin Kagurangnan na saindong Dios an mga nasyon na iyan sa pagdangadang nindo. Alagad sinda magigin sarong siod saka sarong kalot para saindo, sarong makosog na panghampak sa saindong likod, sagkod mga tonok sa saindong mga mata. Dangan magdadanay iyan sagkod na mayo nang matada saindo digdi sa marahay na dagang itinao saindo nin Kagurangnan na saindong Dios.

Hukom 18:30

Dangan ibinugtak ninda an mga dios-dios sa sarong lugar tanganing sambahon; si Jonatan na aking lalaki ni Gerson asin makoapo ni Moises iyo an naglingkod bilang padi kan mga taga Dan. An mga aking lalaki ni Jonatan iyo an padagos na naglingkod bilang padi bago nasakop an daga.

Hukom 2:14

Kaya naanggot nin marahay sa sainda an Kagurangnan asin tinugotan niyang paghabonan asin salakayon an mga Israelita. Tinugotan niyang daogon kan mga kaiwal ninda an Israel, sagkod na dai na ninda kayang iligtas an saindang sadiri.

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”

1 Samuel 15:26

“Dai ako maiba sa pagbalik mo,” an simbag ni Samuel. “Isinikwal mo an kabotan nin Kagurangnan, kaya isinikwal ka man niya bilang hade nin Israel.”

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”