2 Mga Hade 17:17 - Marahay na Bareta Biblia

¹⁷ Tinutong ninda an saindang mga aking lalaki saka babae bilang mga atang. Naghula saka nangkulam sinda, asin itinalaga ninda an saindang sadiri sa paggibo kan maraot sa atubang nin Kagurangnan; pinaanggot ninda an Kagurangnan.

2 Mga Hade 17:17 ပူးပေါင်းရင်းမြစ်များ

1 Mga Hade 14:15

Papadusahan nin Kagurangnan an Israel asin tatakigan ini arog sa nayuyugyog na bariw sa sarong sapa. Gagaboton niya an banwaan nin Israel sa marahay na dagang ini na itinao niya sa saindang mga ginikanan, asin iwawarak niya sinda sa ibong kan Salog nin Eufrates, huli ta pinaanggot ninda siya sa paagi kan paggibo nin mga ladawan kan diosang si Asera.

1 Mga Hade 21:20

Kan mahiling ni Ahab si Elias, nagsabi siya, “Nanumpongan mo na naman ako, sakong kaiwal?” Nagsimbag si Elias, “Iyo, huli ta ipinabakal mo na an saimong sadiri sa paggibo nin karatan sa atubang nin Kagurangnan.

1 Mga Hade 21:25

Mayo na nin arog ki Ahab na nagdusay kan saiyang sadiri sa paggibo nin karatan, huli sa mga sotsot kan saiyang agom na si Jezebel.

2 Mga Hade 16:3

asin sinunod niya an paarog kan mga hade nin Israel. Maski an sadiri niyang aking lalaki tinutong niya bilang atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Hade 17:11

Nagtutong sinda nin insenso sa gabos na paganong altar, arog kan ginibo kan mga nasyon na pinahale nin Kagurangnan sa daga. Pinaanggot ninda an Kagurangnan huli kan maraot nindang mga gibo

2 Mga Hade 17:31

an mga taga Ivva, nin mga ladawan ni Nibhaz saka ni Tartak; asin an mga taga Sefarvaim, nagtutong kan saindang mga aki bilang atang sa saindang mga dios na si Adramelec saka si Anammelec.

2 Mga Hade 21:6

Isinakripisyo niya an saiyang aking lalaki bilang tinutong na atang. Naghula siya asin nagsalamangka. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

2 Mga Cronica 28:3

dangan nagtutong siya nin insenso sa Kapantayan nin Hinnom. Tinutong niya an sadiri niyang mga aking lalaki bilang mga atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Cronica 33:6

Isinakripisyo niya an saiyang mga aking lalaki bilang mga tinutong na atang duman sa Kapantayan nin Hinnom. Naghula siya, nagsalamangka asin nangkulam. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Isaias 47:9

Alagad sa madaling panahon, sa laog nin sarong aldaw, an duwang bagay na ini mangyayari. Maski gamiton mo pa an gabos na salamangka, mawawaraan ka nin agom asin mga aki.

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Isaias 8:19

Alagad sasabihan kamo kan mga tawo na maghagad nin mga mensahe sa mga parahula saka mga nakikiolay sa mga gadan na naghuhuni asin nagugumodgumod. Masabi sinda, “Kaipuhan makihumapot an mga tawo sa mga espiritu asin maghapot sa gadan para sa mga buhay pa.”

Jeremias 19:5

Nagtugdok sinda nin mga altar para ki Baal tanganing tutongon an saindang mga aki bilang sakripisyo. Dai ko ipinagboot na gibohon ninda ini; dai lamang iyan naglaog sa sakong isip.

Jeremias 25:7

Alagad an Kagurangnan mismo an nagsasabi na nagsayuma kamong maghinanyog saiya. Pinaanggot nindo siya huli kan saindong mga ladawan asin dinara nindo sa saindong sadiri an saiyang padusa.

Jeremias 27:9

Dai kamo maghinanyog sa saindong mga propeta o sa kiisay man na nagsasabi na pwede niyang hulaan an maabot na panahon sa paagi nin mga pangatorogan o sa pag-apod kan mga kalag kan mga gadan o sa salamangka. Gabos sinda nagsasabi saindo na dai kamo magpairarom sa hade nin Babilonia.

Jeremias 7:31

Sa Kapantayan nin Hinnom guminibo sinda nin altar na inapod Tofet, tanganing tutongon duman an saindang mga aking lalaki asin mga aking babae bilang sakripisyo. Dai ko ipinagboot sainda na gibohon ini—dai ngani ini naglaog sa sakong isip.

Ezekiel 16:21

kaya isinakripisyo mo pa an sakong mga aki sa mga dios-dios?

Ezekiel 20:26

Tinugotan ko sindang digtaan an saindang sadiri huli kan saindang mga atang, asin pinabayaan ko sindang isakripisyo an saindang mga panganay na lalaki, tanganing matakot sinda asin mamidbid ninda na ako an Kagurangnan.

Ezekiel 20:31

Sagkod ngunyan nagdodolot kamo nin parehong mga atang asin dinidigtaan nindo an saindong sadiri, huli kan pagdolot nindo kan saindong mga aki bilang tinutong na sakripisyo sa mga dios-dios na ini. Dangan mahapot pa kamong mga Israelita kun ano an sakong kabotan! Siring na ako an Kagurangnan Dios na buhay, dai ako matugot na maghapot kamo sako.

Ezekiel 23:37

Nakidorog sinda sa bako nindang agom asin nanggadan—nakidorog sa mga dios-dios asin ginagadan an mga aki ko sainda. Isinakripisyo ninda an saindang mga aking lalaki sa mga dios-dios.

Ezekiel 23:39

Huli ta kan aldaw na gadanon ninda an sakong mga aki bilang sakripisyo para sa saindang mga dios-dios, nagduman man sinda sa sakong Templo dangan dinigtaan iyan!

Levitico 18:21

Dai nindo ipagtao an arin man sa saindong mga aki tanganing tutongon para sa dios na si Molec, huli ta dadarahan nindo nin kasosopgan an ngaran kan saindong Dios, an Kagurangnan.

Levitico 19:26

“Dai kamo magkakan kan arin man na karne na igwa pa nin dugo. Dai kamo maggibo nin ano man na klase nin salamangka.

Levitico 19:31

“Dai kamo maghagad nin hatol sa mga espiritista. Kun gibohon nindo iyan, magigin maati kamo. Ako an Kagurangnan na saindong Dios.

Mikas 5:12

Raraoton ko an ginagamit nindong salamangka dangan babayaan ko kamong mayo ni sarong parahula.

Mga Gibo 16:16

Sarong aldaw, kan kami paduman sa lugar nin pamibian, sinabat kami nin sarong daragang oripon. Igwa siya nin maraot na espiritu na nagtatao saiya nin kapangyarihan sa paghula. Dakul na kwarta an nakukua niya sa panghuhula para sa saiyang mga kagurangnan.

Roma 7:14

Aram ta na an Katogonan espiritwal; alagad ako tawo, oripon nin kasalan.

Galacia 5:26

Dai kita dapat magpaabaw-abaw o mag-aragyatan o mag-ororihan.

Deuteronomio 32:16

Pinapag-imon ninda an Kagurangnan kan saindang pagsamba sa mga dios-dios; pinaanggot siya ninda kan saindang marigsok na mga gibo.

Deuteronomio 4:25

“Maski nahaloy na kamo sa dagang idto, asin nagkaigwa na nin mga aki saka makoapo, dai nanggad kamo magkasala huli sa paggibo para saindo nin ano man na ladawan. Sarong karatan iyan sa atubang nin Kagurangnan asin makakapaanggot iyan saiya.